اردو ترجمہ · Urdu

زید بن اسلم رحمہ اللہ سے روایت ہے کہ بے شک ایک آدمی حضرت عمر بن خطاب رضی اللہ عنہ کے پاس آیا ، پھر کہنے لگا کہ اے امیرالمومنین ! بے شک میں نے اپنے کوڑے کے ساتھ کچھ ٹڈیاں مار دی تھیں اس حال میں کہ محرم تھا تو حضرت عمر رضی اللہ عنہ نے اس سے فرمایا :’’ ایک مٹھی بھر کھانا کھلا دو ۔

اردو ترجمہ · Urdu

یحیی بن سعید رحمہ اللہ سے روایت ہے کہ ایک آدمی حضرت عمر بن خطاب رضی اللہ عنہ کی طرف آیا ، اس نے ان سے چند ٹڈیوں کے متعلق پوچھا جسے اُس نے حالت احرام میں مار دیا تھا ، تو حضرت عمر رضی اللہ عنہ نے کعب ( بن مانع ، المعروف کعب احبار رحمہ اللہ ) سے کہا کہ ادھر آؤ ، تاکہ ہم دونوں مل کر فیصلہ کریں ، تو کعب رحمہ اللہ نے کہا کہ ایک درہم ( اس کا فدیہ ہونا چاہیے ) حضرت عمر رضی اللہ عنہ فرمانے لگے کہ یقیناً تم تو بہت سے درہم رکھتے ہو ( جبکہ ہر شخص ایسا نہیں ہے ، اس لیے ایک ٹڈی کے بدلے چاندی کا سکہ ’’ درہم ‘‘ فدیہ مقرر کرنا مناسب نہیں ، بلکہ میری رائے یہ ہے کہ ) ایک ٹڈی کی طرف سے ایک کھجور ( فدیہ میں دینا درہم سے ) بہتر ہے ۔