اردو ترجمہ · Urdu

یحیی بن سعید رحمہ اللہ سے روایت ہے ، انھیں خبر پہنچی کہ حضرت عمر بن خطاب رضی اللہ عنہ یوم نحر ( 10 ذوالحج ) سے اگلے دن ( 11 ذوالحج کو خیمے سے اس ) وقت باہر نکلے جب دن تھوڑا سا چڑھ گیا تھا ، پھر انھوں نے تکبیر کہی تو لوگوں نے بھی ان کی تکبیر کے ساتھ تکبیر کہی ، پھر وہ اپنے اسی دن میں دوسری بار اس وقت نکلے جب دن بلند ہو گیا ، چنانچہ انھوں نے تکبیر کہی تو لوگوں نے بھی ان کی تکبیر کے ساتھ تکبیر کہی ، پھر وہ ( تیسری بار ) اس وقت نکلے جب سورج ڈھل گیا ، چنانچہ انھوں نے تکبیر کہی تو لوگوں نے بھی ان کی تکبیر کے ساتھ تکبیر کہی ، یہاں تک کہ ( ایک دوسرے کو سن کر لوگ تکبیر کہتے چلے جاتے اور ) تکبیر کی آواز باہم ملتی چلی جاتی اور بیت اللہ تک پہنچ جاتی تو ( وہاں کے ) لوگ پہچان لیتے کہ بے شک حضرت عمر رضی اللہ عنہ کنکریاں مارنے کے لیے نکل آئے ہیں ۔