اردو ترجمہ · Urdu

حضرت عبداللہ بن عمر رضی اللہ عنہ کے دو بیٹوں سالم رحمہ اللہ اور عبیداللہ رحمہ اللہ سے روایت ہے کہ ان کے والد حضرت عبداللہ بن عمر رضی اللہ عنہ اپنے گھر والوں ( یعنی عورتوں ) اور بچوں کو مزدلفہ سے منیٰ کی طرف آگے بھیج دیتے تھے تاکہ وہ منیٰ میں صبح کی نماز ادا کریں اور لوگوں کے آنے سے پہلے پہلے کنکریاں مار لیں ۔

اردو ترجمہ · Urdu

حضرت اسماء بنت ابی بکر رضی اللہ عنہا کی آزاد کردہ لونڈی سے روایت ہے ، کہتی ہیں کہ ہم سیدہ اسماء بنت ابی بکر رضی اللہ عنہا کے ہمراہ منہ اندھیرے ہی منیٰ میں آ گئیں ، وہ کہتی ہیں کہ میں نے اُن سے کہا کہ ہم تو منیٰ میں منہ اندھیرے ہی آ گئے ہیں تو انھوں نے فرمایا کہ ہم اس ہستی کے ہمراہ بھی ایسا ہی کرتی تھیں جو تم سے بہتر تھی ۔

اردو ترجمہ · Urdu

امام مالک رحمہ اللہ کو یہ خبر پہنچی کہ حضرت طلحہ بن عبیداللہ رضی اللہ عنہ اپنی عورتوں اور بچوں کو مزدلفہ سے منیٰ کی طرف ( پہلے ہی ) آگے روانہ کر دیتے تھے ۔

اردو ترجمہ · Urdu

فاطمہ بنت منذر سے روایت ہے کہ وہ ( اپنی دادی جان ) سیدہ اسماء بنت ابی بکر رضی اللہ عنہما کو مزدلفہ میں دیکھا کرتی تھیں کہ وہ اس شخص کو جو اُن کو اور اُن کے ہمراہ افراد کو نماز فجر پڑھاتا تھا ، اُسے حکم دیتیں کہ وہ ( مزدلفہ کی رات میں ) اُنھیں اُسی وقت نماز فجر پڑھا دے جس وقت کہ فجر طلوع ہو ، پھر وہ سوار ہو جاتیں اور منیٰ کی طرف چل پڑتیں اور نہ ٹھہرتیں ۔