اردو ترجمہ · Urdu

حضرت عبداللہ بن عباس رضی اللہ عنہ سے روایت ہے ، ان سے اس شخص کے متعلق سوال کیا گیا جو طواف افاضہ کرنے سے پہلے اپنی بیوی سے صحبت کر لے اس حال میں کہ وہ منیٰ ہی میں ہو تو حضرت ابن عباس رضی اللہ عنہ نے اُسے حکم دیا کہ وہ ایک اونٹ ( جرمانے کے طور پر ) نحر کرے ۔

اردو ترجمہ · Urdu

ثور بن زید دیلی رحمہ اللہ ، حضرت ابن عباس رضی اللہ عنہ کے آزاد کردہ غلام عکرمہ رحمہ اللہ سے روایت کرتے ہیں ، ثور کہتے ہیں کہ میں اس کے علاوہ اور کچھ نہیں سمجھتا کہ وہ ( عکرمہ رحمہ اللہ ) اسے حضرت عبداللہ بن عباس رضی اللہ عنہ ہی سے روایت کرتے ہیں ، انھوں نے فرمایا : جو شخص طواف افاضہ سے قبل ہی اپنی بیوی سے ہم بستری کر لیتا ہے تو وہ عمرہ بھی کرے اور ہدی بھی دے ۔

اردو ترجمہ · Urdu

امام مالک رحمہ اللہ روایت کرتے ہیں کہ انھوں نے ربیعہ بن ابی عبدالرحمن رحمہ اللہ ( المعروف ربیعہ رائی رحمہ اللہ ) کو سنا ، وہ اس مسئلے میں عکرمہ رحمہ اللہ کے قول کی طرح ہی بیان کر رہے تھے جو انھوں نے حضرت ابن عباس رضی اللہ عنہ سے روایت کیا ہے ۔