اردو ترجمہ · Urdu

ہشام بن عروہ رحمہ اللہ اپنے والد ( عروہ رحمہ اللہ ) سے بیان کرتے ہیں کہ بے شک رسول اللہ ﷺ کے ہدی کے جانور لے جانے والے شخص نے عرض کیا کہ اے اللہ کے رسول ! میں اس جانور کے ساتھ کیا کروں جو ان ہدی کے جانوروں میں سے تھک کر چلنے سے عاجز آ جائے ؟ تو رسول اللہ ﷺ نے فرمایا :’’ ہدی کے جانوروں میں سے جو اونٹ بھی تھک جائے اُسے ( وہیں ) نحر ( قربان ) کر دینا ، پھر اس کے قلادے ( ہار ) کو اس کے خون میں ڈال دینا ، پھر اس کے درمیان اور لوگوں کے درمیان جگہ خالی چھوڑ دینا ( تاکہ ) وہ اسے کھا لیں ۔‘‘

اردو ترجمہ · Urdu

سعید بن مسیب رحمہ اللہ سے روایت ہے ، انھوں نے فرمایا کہ جو شخص نفلی ہدی کا اونٹ ہانک کر لے جائے پھر وہ ( راستے ہی میں ) تھک جائے تو وہ اسے ( وہیں ) نحر کر دے ، پھر اس کو لوگوں کے لیے ویسے ہی چھوڑ دے ( تاکہ ) وہ اسے کھا لیں تو اس پر کوئی چیز لازم نہیں ( نہ اس کا بدل اور نہ کوئی تاوان ) اور اگر وہ اس میں سے کھا لے یا کسی کو حکم دے کہ وہ اس میں سے کھا لے تو پھر وہ اس کا تاوان ( بدل ) ادا کرے گا ۔

اردو ترجمہ · Urdu

حضرت عبداللہ بن عباس رضی اللہ عنہ سے بھی اسی ( سعید بن مسیب رحمہ اللہ کے فتویٰ ) کی مثل مروی ہے ۔

اردو ترجمہ · Urdu

ابن شہاب رحمہ اللہ سے روایت ہے ، انھوں نے کہا ہے کہ جو شخص ( شکار کی ) جزا ، نذر یا حج تمتع کی ہدی کا اونٹ لے کر جائے ، پھر وہ راستے ہی میں ہلاک ہو جائے تو اس پر اس کا بدل ( اور عوض ادا کرنا ) لازم ہے ۔

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہ نے فرمایا : جو شخص ہدی کا اونٹ لے کر گیا ، پھر وہ گم ہو گیا یا مر گیا ، چنانچہ اگر تو وہ نذر ( یا کسی اور واجب ہدی ) کا تھا تو وہ اس کا عوض دے گا اور اگر وہ نفل تھا تو چاہے تو اس کا عوض دے اور چاہے تو ترک کر دے ( اُسے اختیار ہے ) ۔