اردو ترجمہ · Urdu

عبداللہ بن ابی بکر ( بن محمد بن عمرو ) بن حزم رحمہ اللہ سے روایت ہے کہ یقیناً رسول اللہ ﷺ حج یا عمرے میں ہدی کے طور پر اس اونٹ کو لے کر گئے جو ابوجہل بن ہشام کا تھا ۔

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بے شک رسول اللہ ﷺ نے ایک آدمی کو دیکھا جو ہدی کا اونٹ ہانک رہا تھا تو آپ ﷺ نے فرمایا :’’ اس پر سوار ہو جا ۔‘‘ اس نے عرض کیا کہ اے اللہ کے رسول ! یقیناً یہ تو ’’ بَدَنہَ ‘‘ یعنی حرم میں قربانی کے لیے خاص کیا ہوا اونٹ ہے تو آپ ﷺ نے فرمایا :’’ اس پر سوار ہو جا ، تیری خرابی ہو ۔‘‘ ( یہ ارشاد ) دوسری یا تیسری باری میں ( اسے حکم دیتے ہوئے فرمایا ) ۔

اردو ترجمہ · Urdu

عبداللہ بن دینار رحمہ اللہ سے روایت ہے کہ بے شک وہ حضرت عبداللہ بن عمر رضی اللہ عنہ کو دیکھا کرتے تھے ، وہ حج میں دو دو اونٹ ہدی کے طور پر لے جاتے اور عمرے میں ایک ایک ، عبداللہ بن دینار رحمہ اللہ کہتے ہیں : اور میں نے ان کو عمرے کے موقع پر دیکھا کہ وہ حضرت خالد بن اسید رضی اللہ عنہ کے گھر میں اپنے ہدی کے اونٹ کو نحر ( قربان ) کر رہے تھے ، اس حال میں کہ وہ کھڑا تھا اور اسی گھر میں اُن کی رہائش ( ہوتی ) تھی ، عبداللہ بن دینار رحمہ اللہ کہتے ہیں کہ یقیناً میں نے انھیں عمرے میں دیکھا کہ انھوں نے اپنے اونٹ کی گردن ( کے نچلے گڑھے ) میں ( نیزہ ) مارا ، یہاں تک کہ نیزہ اونٹ کے کندھے کے نیچے سے باہر نکل آیا ۔

اردو ترجمہ · Urdu

یحیی بن سعید رحمہ اللہ سے روایت ہے کہ بے شک حضرت عمر بن عبدالعزیز رحمہ اللہ حج یا عمرے میں ایک اونٹ کو ہدی کے طور پر لائے ۔

اردو ترجمہ · Urdu

ابوجعفر قاری رحمہ اللہ سے روایت ہے کہ یقیناً حضرت عبداللہ بن عیاش بن ابی ربیعہ مخزومی رضی اللہ عنہ دو اونٹوں کو ہدی کے طور پر لائے ، اُن میں سے ایک بُختی تھا ۔

اردو ترجمہ · Urdu

نافع رحمہ اللہ سے روایت ہے کہ بے شک حضرت عبداللہ بن عمر رضی اللہ عنہ فرمایا کرتے تھے : جب ( ہدی والی ) اونٹنی بچہ جنے تو اس کے بچے کو ساتھ اٹھا کر لے جایا جائے یہاں تک کہ اُسے اس کے ساتھ ہی نحر ( قربان ) کر دیا جائے ، پھر اگر اس بچے کو اٹھانے کے لیے کوئی اور جانور نہ پایا جائے تو اُسے اس کی ماں ہی پر سوار کر دیا جائے یہاں تک کہ اُسے اس کے ساتھ ہی نحر کیا جائے ۔

اردو ترجمہ · Urdu

ہشام بن عروہ رحمہ اللہ سے روایت ہے کہ بلاشبہ ان کے والد ( عروہ بن زبیر رحمہ اللہ ) نے فرمایا : جب تو اپنے ہدی کے اونٹ کی طرف مجبور کر دیا جائے تو اس پر سوار ہو جا ، ایسے انداز میں کہ جو اس پر بہت بوجھل نہ ہو ، انھوں نے ( یہ بھی ) فرمایا : اور جب تو اس کے دودھ کی طرف مجبور کر دیا جائے تو اسے پی لے ( لیکن ) بعد اس کے کہ اس کا بچہ سیراب ہو جائے ، ( اور جو وہ باقی چھوڑے اُسے پی لے ، ) پھر جب تو اُسے نحر کرے تو اس کے بچے کو بھی اس کے ساتھ ہی نحر کر دے ۔