اردو ترجمہ · Urdu

حضرت اُمُّ الفضل ( لبانہ ) بنت حارث سے روایت ہے کہ بے شک ( حجۃ الوداع میں ) کچھ لوگوں نے ان کے پاس عرفہ کے دن رسول اللہ ﷺ کے روزہ رکھنے کے متعلق شک کیا ، چنانچہ ان میں سے بعض کہنے لگے کہ آپ روزہ دار ہیں اور بعض نے کہا کہ آپ ﷺ کا روزہ نہیں ہے تو ( وہ کہتی ہیں کہ ) میں نے دودھ کا ایک پیالہ آپ ﷺ کی خدمت میں بھیجا ، اس حال میں کہ آپ ﷺ میدان عرفات میں اپنے اونٹ پر ٹھہرے ہوئے تھے ، تو آپ ﷺ نے اسے نوش فرما لیا ۔

اردو ترجمہ · Urdu

قاسم بن محمد رحمہ اللہ سے روایت ہے کہ بے شک ( ان کی پھوپھی جان ) اُمّ المومنین سیدہ عائشہ رضی اللہ عنہا ( حج میں بھی ) عرفہ کے دن کا روزہ رکھا کرتی تھیں ، قاسم بن محمد رحمہ اللہ کہتے ہیں کہ میں نے اُن کو عرفہ کی شام کے وقت دیکھا ، امام ( میدان عرفات سے ) واپس لوٹ جاتا ، وہ پھر بھی وہیں ٹھہری رہتیں ، یہاں تک کہ ان کے درمیان اور لوگوں کے درمیان زمین خالی ہو جاتی ، پھر وہ کوئی پینے کی چیز منگواتیں اور روزہ افطار کر دیتیں ۔