اردو ترجمہ · Urdu

حضرت عبداللہ بن عمر رضی اللہ عنہ سے روایت ہے کہ حضرت عمر رضی اللہ عنہ نے فرمایا : حاجیوں میں سے کوئی شخص ہرگز واپس نہ لوٹے یہاں تک کہ بیت اللہ کا طواف کر لے کیونکہ بلاشبہ حج کی آخری عبادت بیت اللہ کا طواف ہی ہے ۔

اردو ترجمہ · Urdu

یحیی بن سعید رحمہ اللہ سے روایت ہے کہ یقیناً حضرت عمر بن خطاب رضی اللہ عنہ نے ایک شخص کو ’’ مَرُّالظَّہران ‘‘ نامی جگہ سے واپس لوٹا دیا ، اس نے بیت اللہ کا طواف الوداع نہیں کیا تھا ، یہاں تک کہ اس شخص نے طواف الوداع کر لیا ۔

اردو ترجمہ · Urdu

ہشام بن عُروہ اپنے والد ( عروہ بن زبیر رحمہ اللہ ) سے روایت کرتے ہیں ، انھوں نے فرمایا کہ جس شخص نے ( دس ذوالحج والا ) طواف افاضہ کر لیا تو یقیناً اللہ تعالیٰ نے اس کا حج پورا کر دیا ، ( لیکن پھر بھی ) بلاشبہ اگر اُسے کوئی شے روک نہ رہی ہو ( کوئی امر مانع نہ ہو ) تو وہ اس لائق ہے کہ ( مکہ میں ) اس کا آخری وقت بیت اللہ کا طواف ( کرتے ہوئے گزر رہا ) ہو ، اور اگر کوئی چیز اسے روک لے یا اُسے کوئی عارضہ لاحق ہو جائے ( جس کی بنا پر طواف الوداع رہ جائے ) تو یقیناً اللہ نے اس کا حج تو پورا کر ہی دیا ہے ۔