اردو ترجمہ · Urdu

عبدالرحمن بن عبد رحمہ اللہ جو قارہ قبیلے سے تعلق رکھتے ہیں ، سے روایت ہے کہ انھوں نے نماز فجر کے بعد حضرت عمر بن خطاب رضی اللہ عنہ کے ہمراہ بیت اللہ کا طواف کیا ، چنانچہ جب حضرت عمر رضی اللہ عنہ نے اپنا طواف مکمل کیا تو ( آسمان کی طرف ) دیکھا ، انھوں نے سورج کو طلوع ہو چکنے والا نہ دیکھا تو ( اونٹ پر ) سوار ہو گئے ، ( اور واپس مدینہ چل پڑے ) یہاں تک کہ وادی ذی طُوی میں اونٹ کو بٹھایا پھر ( طواف والی ) دو رکعتیں ادا کیں ۔

اردو ترجمہ · Urdu

ابوزبیر مکی رحمہ اللہ سے روایت ہے ، انھوں نے کہا کہ میں نے حضرت عبداللہ بن عباس رضی اللہ عنہ کو دیکھا ، وہ نماز عصر کے بعد طواف کرتے تھے ، پھر وہ اپنے حجرے میں داخل ہو جاتے تو میں نہیں جانتا کہ وہ ( وہاں ) کیا کرتے تھے ۔

اردو ترجمہ · Urdu

ابوزبیر مکی رحمہ اللہ سے روایت ہے ، انھوں نے کہا کہ میں نے بیت اللہ کو دیکھا کہ وہ نماز فجر اور نماز عصر کے بعد خالی ہو جاتا تھا ۔ کوئی بھی اس کا طواف نہیں کرتا تھا ۔