اردو ترجمہ · Urdu

ہشام بن عروہ رحمہ اللہ اپنے والد سے روایت کرتے ہیں کہ بے شک حضرت عمر بن خطاب رضی اللہ عنہ نے حجر اسود ( کو مخاطب کر کے اس ) سے فرمایا : اس حال میں کہ وہ بیت اللہ کا طواف کر رہے تھے ، ( فرمایا : ) کہ بلاشبہ تو صرف اور صرف ایک پتھر ہے ، نہ نقصان دے سکتا ہے اور نہ نفع ، اور اگر میں نے رسول اللہ ﷺ کو نہ دیکھا ہوتا کہ آپ ﷺ تجھے بوسہ دے رہے تھے تو میں تجھے بوسہ نہ دیتا ، پھر حضرت عمر رضی اللہ عنہ نے اسے بوسہ دیا ۔