اردو ترجمہ · Urdu

فُرَافِصَہ بن عمیر حنفی رحمہ اللہ سے روایت ہے ، انھوں نے حضرت عثمان بن عفان رضی اللہ عنہ کو عَرْج نامی جگہ میں دیکھا کہ وہ اپنا چہرہ ڈھانپ رہے تھے اس حال میں کہ وہ احرام باندھے ہوئے تھے ۔

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہ کہا کرتے تھے : ٹھوڑی سے اوپر اوپر ( سارا چہرہ بھی ) سر میں سے ہے لہٰذا محرم شخص اسے نہ ڈھانپے ۔

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہ نے اپنے بیٹے واقد بن عبداللہ رحمہ اللہ کو کفن دیا جو کہ حالت احرام میں جحفہ کے مقام پر فوت ہو گیا تھا اور انھوں نے اس کے سر اور چہرے کو ڈھانپ دیا اور کہا کہ اگر بلاشبہ ہم حالت احرام میں نہ ہوتے تو اسے ضرور خوشبو بھی لگاتے ۔

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہ فرمایا کرتے تھے : احرام والی عورت نہ تو نقاب کرے اور نہ ہی دستانے پہنے ۔

اردو ترجمہ · Urdu

فاطمہ بنت منذر رحمہ اللہ سے روایت ہے ، کہتی ہیں کہ ہم اپنے چہروں کو ڈھانپ لیا کرتی تھیں اس حال میں کہ ہم حالت احرام میں ہوتیں اور ہم ( ایسا کرتے وقت ) سیدہ اسماء بنت ابی بکر رضی اللہ عنہما کے ہمراہ ہوتی تھیں ( تو وہ ہم پر اس کام کا انکار نہ کرتیں اور ہمیں منع نہ کرتیں ) ۔