Muwatta Imam Malik · Book 17 · Chapter 169
روزوں کے متعلق کتاب
رمضان میں روزہ نہ رکھ سکنے والے کے فدیہ کا بیان
4 hadiths in this chapter
Muwatta Imam Malik #627
[627] حَدَّثَنِی یَحْیَی، عَنْ مَالِکٍ، أَ نَّہُ بَلَغَہُ: أَنَّ أَنَسَ بْنَ مَالِکٍ کَبِرَ حَتَّی کَانَ لَا یَقْدِرُ عَلَی الصِّیَامِ، فَکَانَ یَفْتَدِی۔
اردو ترجمہ · Urdu
امام مالک رحمہ اللہ کو یہ خبر پہنچی کہ حضرت انس رضی اللہ عنہ ( بہت ) بوڑھے ہو گئے تھے یہاں تک کہ وہ روزہ رکھنے کی طاقت ہی نہ پاتے تھے ، اس لیے وہ فدیہ ادا کر دیا کرتے تھے ۔
Muwatta Imam Malik #628
[628] وَحَدَّثَنِی عَنْ مَالِکٍ، أَنَّہُ بَلَغَہُ : أَنَّ عَبْدَ اللَّہِ بْنَ عُمَرَ سُئِلَ عَنِ الْمَرْأَۃِ الْحَامِلِ، إِذَا خَافَتْ عَلَی وَلَدِہَا، وَاشْتَدَّ عَلَیْہَا الصِّیَامُ ؟ قَالَ : تُفْطِرُ وَتُطْعِمُ مَکَانَ کُلِّ یَوْمٍ مِسْکِیناً، مُدًّا مِنْ حِنْطَۃٍ، بِمُدِّ النَّبِیِّ ﷺ ۔
اردو ترجمہ · Urdu
امام مالک رحمہ اللہ کو یہ خبر پہنچی کہ حضرت عبداللہ بن عمر رضی اللہ عنہما سے حاملہ عورت کے متعلق پوچھا گیا کہ جب وہ ( روزے کی وجہ سے ) اپنے بچے پر ( کمزوری وغیرہ کا ) خوف محسوس کرے اور روزہ اس پر بہت مشکل ہو جائے ۔ تو امام صاحب نے فرمایا : وہ روزہ چھوڑ دے اور ہر دن کے بدلے ایک مسکین کو کھانا کھلا دے یعنی مُدِّ رسول ﷺ کے حساب سے ایک مُدّ گندم ادا کر دے ۔
Muwatta Imam Malik #629
[629] وَحَدَّثَنِی عَنْ مَالِکٍ، عَنْ عَبْدِ الرَّحْمَنِ بْنِ الْقَاسِمِ، عَنْ أَبِیہِ، أَ نَّہُ کَانَ یَقُولُ : مَنْ کَانَ عَلَیْہِ قَضَائُ رَمَضَانَ فَلَمْ یَقْضِہِ، وَہُوَ قَوِیٌّ عَلَی صِیَامِہِ، حَتَّی جَائَ رَمَضَانُ آخَرُ، فَإِنَّہُ یُطْعِمُ مَکَانَ کُلِّ یَوْمٍ مِسْکِیناً، مُدًّا مِنْ حِنْطَۃٍ، وَعَلَیْہِ مَعَ ذَلِکَ الْقَضَائُ۔
اردو ترجمہ · Urdu
عبدالرحمن بن قاسم رحمہ اللہ اپنے والد ( قاسم بن محمد رحمہ اللہ ) سے روایت کرتے ہیں کہ وہ فرمایا کرتے تھے : جس شخص کے ذمے ماہِ رمضان کی قضا واجب ہو لیکن وہ قضا کے روزے رکھنے کی طاقت پانے کے باوجود قضا نہ کرے یہاں تک کہ دوسرا رمضان آ جائے تو بے شک یہ شخص ہر دن کے بدلے ایک مسکین کو گندم کا ایک مُدّ ( فدیہ بھی ) دے اور اس کے ساتھ اس پر قضا بھی واجب ہے ۔
Muwatta Imam Malik #630
[630] وَحَدَّثَنِی عَنْ مَالِکٍ، أَ نَّہُ بَلَغَہُ، عَنْ سَعِیدِ بْنِ جُبَیْرٍ مِثْلُ ذَلِکَ۔
اردو ترجمہ · Urdu
امام مالک رحمہ اللہ کو سعید بن جبیر رحمہ اللہ سے بھی اسی طرح ( کے فتویٰ ) کی خبر پہنچی ۔
