اردو ترجمہ · Urdu

سعید بن مسیب رحمہ اللہ سے روایت ہے ، ان سے اس شخص کے متعلق سوال کیا گیا جو ایک مہینے کے روزوں کی مانند نذر مان لے تو کیا اس کے لیے جائز ہے کہ ( نذر کی ادائیگی سے پہلے ) نفلی روزے رکھ لے ؟ تو سعید رحمہ اللہ نے فرمایا : اسے چاہیے کہ نفلی روزہ رکھنے سے پہلے اپنی نذر ( کے روزوں ) کے ساتھ ابتدا کرے ۔

اردو ترجمہ · Urdu

امام مالک رحمہ اللہ کہتے ہیں کہ مجھے سلیمان بن یسار رحمہ اللہ سے بھی اسی طرح ( کا فتویٰ ) پہنچا ہے ۔

اردو ترجمہ · Urdu

امام مالک رحمہ اللہ کو یہ خبر پہنچی کہ حضرت عبداللہ بن عمر رضی اللہ عنہ سے پوچھا جاتا کہ کیا کوئی شخص کسی آدمی کی طرف سے روزہ رکھ سکتا ہے یا کوئی شخص کسی کی طرف سے نماز پڑھ سکتا ہے ؟ تو وہ فرماتے : نہ تو کوئی کسی کی طرف سے روزہ رکھے اور نہ ہی کوئی شخص کسی کی طرف سے نماز پڑھے ۔