اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ یقیناً رسول اللہ ﷺ نے وصال ( بغیر سحری و افطاری کے مسلسل روزے رکھنے ) سے منع فرمایا ، لوگوں نے عرض کیا کہ اے اللہ کے رسول ! آپ خود تو وصال فرماتے ہیں ؟ تو آپ ﷺ نے فرمایا :’’ بے شک میں تمھاری طرح نہیں ہوں ، یقیناً مجھے تو کھلا اور پلا دیا جاتا ہے ۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بلاشبہ رسول اللہ ﷺ نے فرمایا :’’ اپنے آپ کو وصال سے بچاؤ ، اپنے آپ کو وصال سے بچاؤ ۔‘‘ لوگوں نے کہا کہ اے اللہ کے رسول ! آپ خود تو وصال کرتے ہیں ؟ فرمایا :’’ یقیناً ( اس معاملے میں ) میں تم جیسا نہیں ہوں کیونکہ یقیناً میں اس حال میں رات گزارتا ہوں کہ میرا رب مجھے کھلا اور پلا دیتا ہے ۔‘‘