اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہما روزے کی حالت میں بھی پچھنے لگوا لیا کرتے تھے ، نافع رحمہ اللہ کہتے ہیں کہ پھرا نھوں نے ایسا کرنا چھوڑ دیا اور جب وہ روزہ رکھتے تو جب تک افطاری نہ کر لیتے ، پچھنے نہیں لگواتے تھے ۔

اردو ترجمہ · Urdu

ابن شہاب رحمہ اللہ سے رویت ہے کہ حضرت سعد بن ابی وقاص رضی اللہ عنہ اور حضرت عبداللہ بن عمر رضی اللہ عنہما پچھنے لگوا لیا کرتے تھے ، اس حال میں کہ وہ روزے سے ہوتے تھے ۔

اردو ترجمہ · Urdu

ہشام بن عروہ رحمہ اللہ اپنے باپ عروہ رحمہ اللہ سے بیان کرتے ہیں کہ وہ روزے کی حالت میں پچھنے لگوا لیا کرتے تھے ، پھر ( وہ اس وجہ سے ) روزہ توڑتے بھی نہیں تھے ( کیونکہ اس عمل سے روزہ ٹوٹتا ہی نہیں ) ، ہشام رحمہ اللہ کہتے ہیں کہ میں نے ان کو کبھی نہیں دیکھا کہ انھوں نے پچھنے لگوائے ہوں مگر اس حال میں کہ وہ روزہ رکھے ہوئے ہوتے تھے ۔ ( بغیر روزے کے پچھنے لگواتے ہی نہیں تھے )