اردو ترجمہ · UrduUnverified translation

حضرت عبداللہ بن عمر رضی اللہ عنہما سے مروی ہے‘ رسول اللہ صلی اللہ علیہ وسلم نے فرمایا: ’’جو کوئی اپنے مال کی حفاظت کرتا ہوا مارا جائے وہ شہید ہے۔‘‘ (اسے ابوداود‘ نسائی اور ترمذی نے روایت کیا ہے اور ترمذی نے اسے صحیح کہا ہے۔)

اردو ترجمہ · UrduUnverified translation

حضرت عمران بن حصین رضی اللہ عنہما سے مروی ہے کہ حضرت یعلیٰ بن امیہ رضی اللہ عنہ کی ایک شخص سے لڑائی ہوگئی۔ ان دونوں میں سے ایک نے دوسرے کو دانتوں سے کاٹا تو اس نے اپنا ہاتھ اس کے منہ سے کھینچ کر باہر نکالا‘ چنانچہ اس کا سامنے کا دانت ٹوٹ کر گر گیا۔ پھر دونوں اپنا جھگڑا نبی صلی اللہ علیہ وسلم کی عدالت میں لے گئے تو آپ نے فرمایا: ’’کیا تم میں سے کوئی اپنے بھائی کو اس طرح کاٹ کھاتا ہے جس طرح اونٹ؟ اس کے لیے کوئی دیت نہیں۔‘‘ (بخاری و مسلم۔ اور یہ الفاظ مسلم کے ہیں۔)

اردو ترجمہ · UrduUnverified translation

حضرت ابوہریرہ رضی اللہ عنہ سے مروی ہے‘ ابوالقاسم صلی اللہ علیہ وسلم نے فرمایا: ’’اگر کوئی مرد بغیر اجازت کے تیرے گھر جھانکے (نظر ڈالے) اور تو کنکری مار کر اس کی آنکھ پھوڑ دے تو تجھ پر کوئی گناہ نہیں۔‘‘ (بخاری و مسلم) احمد اور نسائی کی روایت میں یوں ہے‘ جسے ابن حبان نے صحیح کہا ہے: ’’نہ اس کی دیت ہے اور نہ قصاص۔‘‘

اردو ترجمہ · UrduUnverified translation

حضرت براء بن عازب رضی اللہ عنہما سے روایت ہے‘ رسول اللہ صلی اللہ علیہ وسلم نے فیصلہ فرمایا کہ دن کے وقت باغوں کی حفاظت و نگرانی مالکان باغ کے ذمے ہے۔ اور رات کے وقت مویشیوں کی حفاظت و نگرانی مالکان مویشی کے ذمے ہے۔ اور رات کے اوقات میں مویشی جس قدر کسی کا نقصان کریں اس کا تاوان مویشیوں کے مالکان پر ہے۔ (اس حدیث کو احمد نے‘ اور ترمذی کے سوا چاروں نے روایت کیا ہے اور ابن حبان نے اسے صحیح کہا ہے تاہم اس کی سند میں اختلاف ہے۔)

اردو ترجمہ · UrduUnverified translation

حضرت معاذ بن جبل رضی اللہ عنہ سے ایسے شخص کے متعلق‘ جو پہلے اسلام لایا تھا پھر یہودی ہو گیا‘ مروی ہے کہ میں اس وقت تک نہیں بیٹھوں گا جب تک کہ اسے قتل نہ کر دیا جائے۔ یہ اللہ اور اس کے رسول ( صلی اللہ علیہ وسلم ) کا فیصلہ ہے۔ پھر اس کے قتل کا حکم دیا اور اسے قتل کر دیا گیا۔ (بخاری و مسلم) اور ابوداود کی ایک روایت میں ہے: اسے قتل سے پہلے توبہ کرنے کے لیے کہا گیا تھا۔

اردو ترجمہ · UrduUnverified translation

حضرت ابن عباس رضی اللہ عنہما سے مروی ہے‘ رسول اللہ صلی اللہ علیہ وسلم نے فرمایا: ’’جو شخص اپنا دین بدل لے اسے قتل کردو۔‘‘ (اسے بخاری نے روایت کیا ہے۔)

اردو ترجمہ · UrduUnverified translation

حضرت ابن عباس رضی اللہ عنہما ہی سے مروی ہے کہ ایک نابینے شخص کی ایک ام ولد (لونڈی) تھی جو کہ رسول اللہ صلی اللہ علیہ وسلم کو گالی دیتی اور برا بھلا کہتی تھی۔ وہ نابینا صحابی اسے منع کرتے مگر وہ باز نہ آتی۔ ایک رات انھوں نے کدال لے کر اس کے پیٹ پر رکھ کر اس پر اپنا بوجھ ڈال کر دبایا اور اسے قتل کر دیا۔ یہ بات نبی صلی اللہ علیہ وسلم تک پہنچی تو آپ نے فرمایا: ’’خبردار! تم گواہ رہو! اس کا خون رائیگاں اور بیکار گیا۔‘‘ (اسے ابوداود نے روایت کیا ہے اور اس کے راوی ثقہ ہیں۔)