اردو ترجمہ · UrduUnverified translation

حضرت عبداللہ بن عمر رضی اللہ عنہما سے روایت ہے‘ رسول اللہ صلی اللہ علیہ وسلم نے فرمایا: ’’جس نے ہمارے خلاف ہتھیار اٹھایا وہ ہم میں سے نہیں۔‘‘ (بخاری و مسلم)

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ نبی صلی اللہ علیہ وسلم نے فرمایا: ’’جس نے (امام کی) اطاعت سے خروج کیا اور مسلمانوں کی جماعت سے الگ ہو گیا اور اسی حالت میں اس پر موت واقع ہو گئی تو اس کی یہ موت جاہلیت کی موت ہوگی۔‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت ام سلمہ رضی اللہ عنہا سے روایت ہے‘ رسول اللہ صلی اللہ علیہ وسلم نے فرمایا: ’’حضرت عمار رضی اللہ عنہ کو باغی گروہ قتل کرے گا۔‘‘(اسے مسلم نے روایت کیا ہے۔)

اردو ترجمہ · UrduUnverified translation

حضرت عبداللہ بن عمر رضی اللہ عنہما سے مروی ہے‘ رسول اللہ صلی اللہ علیہ وسلم نے فرمایا: ’’اے ام عبد کے بیٹے! کیا تجھے معلوم ہے کہ اس امت کے باغیوں کے متعلق اللہ تعالیٰ کا کیا فیصلہ ہے؟‘‘ انھوں نے عرض کیا: اللہ اور اس کا رسول ہی بہتر جانتے ہیں۔ آپ نے فرمایا: ’’اس کے زخمیوں پر تشدد نہیں کیا جائے گا اور نہ اس کے قیدیوں کو قتل کیا جائے گا‘ اور نہ بھاگنے والے کا پیچھا کیا جائے گا‘ اور نہ اس کے مال کو غنیمت جان کر تقسیم کیا جائے گا۔‘‘ (اس روایت کو بزار اور حاکم نے روایت کیا ہے اور حاکم نے اسے صحیح قرار دیا ہے‘ مگر یہ حاکم کا وہم ہے‘ اس لیے کہ اس کی سند میں کوثر بن حکیم متروک راوی ہے۔) حضرت علی رضی اللہ عنہ سے موقوفاًاس جیسی روایت کئی طرق سے صحیح ثابت ہے۔ (اسے ابن ابی شیبہ اور حاکم نے بیان کیا ہے۔)

اردو ترجمہ · UrduUnverified translation

حضرت عرفجہ بن شریح کہتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: ’’جو شخص تمھارے پاس آئے جبکہ تم سب متفق و متحد ہو اور وہ تمھاری جماعت میں تفریق پیدا کرنا چاہتا ہو تو اسے قتل کر دو۔‘‘ (اسے مسلم نے روایت کیا ہے۔)