اردو ترجمہ · UrduUnverified translation

حضرت عائشہ رضی اللہ عنہا سے روایت ہے‘ رسول اللہ صلی اللہ علیہ وسلم نے فرمایا: ’’ایک‘ دو دفعہ (پستان) چوسنے سے حرمت ثابت نہیں ہوتی۔‘‘ (مسلم)

اردو ترجمہ · UrduUnverified translation

حضرت عائشہ رضی اللہ عنہا سے روایت ہے‘ رسول اللہ صلی اللہ علیہ وسلم نے فرمایا: ’’غور کر لیا کرو کہ تمھارے بھائی کون ہیں؟ کیونکہ رضاعت وہی معتبر ہے جو بھوک کی بنا پر ہو۔‘‘ (بخاری و مسلم)

اردو ترجمہ · UrduUnverified translation

حضرت عائشہ رضی اللہ عنہا ہی سے روایت ہے کہ سہلہ بنت سہیل رضی اللہ عنہا آئیں اور عرض کیا: اے اللہ کے رسول ! ابوحذیفہ کا آزاد کردہ غلام سالم ہمارے گھر میں ہمارے ساتھ رہتا ہے‘ وہ مردوں کی طرح بالغ ہوگیا ہے۔ آپ نے فرمایا: ’’اسے اپنا دودھ پلا دو‘ تم اس پر حرام ہو جاؤ گی۔‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت عائشہ رضی اللہ عنہا ہی سے مروی ہے کہ ابوالقعیس کے بھائی افلح نے حجاب کے بعد حضرت عائشہ رضی اللہ عنہا کے ہاں آنے کے لیے اجازت طلب کی۔ حضرت عائشہ رضی اللہ عنہا بیان کرتی ہیں کہ میں نے اسے اجازت دینے سے انکار کر دیا۔ جب رسول اللہ صلی اللہ علیہ وسلم تشریف لائے تو میں نے اس کے ساتھ جو کچھ کیا تھا‘ آپ کو اس کی اطلاع دی۔ آپ نے مجھے حکم دیا کہ میں اسے اپنے پاس آنے کی اجازت دے دیا کروں اور فرمایا: ’’وہ تو تمھارا چچا ہے۔‘‘ (بخاری و مسلم)

اردو ترجمہ · UrduUnverified translation

حضرت عائشہ رضی اللہ عنہا ہی سے مروی ہے کہ قرآن میں جو حکم نازل ہوا تھا وہ دس یقینی رضعات تھے جن سے حرمت ثابت ہوتی تھی‘ پھر وہ (دس رضعات) پانچ یقینی رضعات کے ساتھ منسوخ کر دیے گئے۔ چنانچہ رسول اللہ صلی اللہ علیہ وسلم نے وفات پائی تو قرآن میں ان کی قراء ت کی جاتی تھی۔ (اسے مسلم نے روایت کیا ہے۔)

اردو ترجمہ · UrduUnverified translation

حضرت ابن عباس رضی اللہ عنہما سے روایت ہے کہ نبی صلی اللہ علیہ وسلم کو حضرت حمزہ رضی اللہ عنہ کی بیٹی سے نکاح کر نے پر آمادہ کیا گیاتو آپ نے فرمایا: ’’وہ میرے لیے حلال نہیں‘ اس لیے کہ وہ میرے رضاعی بھائی کی بیٹی ہے۔ اور جو چیز نسب کی وجہ سے حرام ہو وہ رضاعت کی وجہ سے بھی حرام ہوتی ہے۔‘‘ (بخاری و مسلم)

اردو ترجمہ · UrduUnverified translation

حضرت ام سلمہ رضی اللہ عنہا سے روایت ہے‘ رسول اللہ صلی اللہ علیہ وسلم نے فرمایا: ’’صرف وہ رضاعت حرمت ثابت کرتی ہے جو انتڑیوں کو کھول دے اور دودھ چھڑانے کی مدت سے پہلے ہو۔‘‘ (اسے ترمذی نے روایت کیا ہے اور ترمذی اور حاکم دونوں نے اسے صحیح کہا ہے۔)

اردو ترجمہ · UrduUnverified translation

حضرت ابن عباس رضی اللہ عنہما سے مروی ہے‘ انھوں نے فرمایا: صرف دو سال کے دوران والی رضاعت معتبر ہے۔ (اسے دارقطنی اور ابن عدی نے مرفوع اور موقوف روایت کیا ہے اور دونوں نے موقوف کو ترجیح دی ہے۔)

اردو ترجمہ · UrduUnverified translation

حضرت عبداللہ بن مسعود رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’رضاعت وہی معتبر ہے جو ہڈیوں کو مضبوط کرے اور گوشت پیدا کرے۔‘‘ (اسے ابوداود نے روایت کیا ہے۔)

اردو ترجمہ · UrduUnverified translation

حضرت عقبہ بن حارث رضی اللہ عنہ سے مروی ہے کہ انھوں نے ام یحییٰ بنت ابو اہاب رضی اللہ عنہا سے نکاح کر لیا تو ایک عورت آئی اور کہنے لگی کہ میں نے تم دونوں کو دودھ پلایا ہے۔ حضرت عقبہ رضی اللہ عنہ نے نبی صلی اللہ علیہ وسلم سے پوچھا تو آپ نے فرمایا: ’’اب کس طرح (تم اسے اپنے نکاح میں رکھ سکتے ہو؟) جبکہ رضاعت کی اطلاع دے دی گئی ہے۔‘‘ چنانچہ حضرت عقبہ رضی اللہ عنہ نے اس عورت کو جدا کر دیا اور اس خاتون نے کسی اور سے نکاح کر لیا۔ (اسے بخاری نے روایت کیا ہے۔)

اردو ترجمہ · UrduUnverified translation

زیاد سہمی سے مروی ہے‘ وہ بیان کرتے ہیں کہ رسول اللہ صلی اللہ علیہ وسلم نے احمق عورت سے دودھ پلوانے سے منع فرمایا ہے۔ (اسے ابوداود نے بیان کیا ہے اور یہ مرسل ہے کیونکہ زیاد کو صحابی ہونے کا شرف حاصل نہیں۔)