اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’مالدار آدمی کا ٹال مٹول کرنا ظلم ہے۔ اور جب تم میں سے کسی کو مالدار آدمی کا حوالہ دیا جائے تو اسے قبول کر لینا چاہیے۔‘‘ (بخاری و مسلم) اور احمد کی ایک روایت میں ہے: ’’جسے (کسی مالدار کا) حوالہ دیا جائے‘ اسے وہ قبول کرنا چاہیے۔‘‘

اردو ترجمہ · UrduUnverified translation

حضرت جابر رضی اللہ عنہ سے روایت ہے کہ ہم میں سے ایک آدمی فوت ہوگیا۔ ہم نے اسے غسل دیا‘ خوشبو لگائی اور کفن پہنایا‘ پھر ہم اسے اٹھا کر رسول اللہ صلی اللہ علیہ وسلم کے پاس لے آئے اور عرض کیا کہ آپ اس کی نماز جنازہ پڑھائیں۔ آپ نے آگے بڑھنے کے لیے چند قدم اٹھائے‘ پھر دریافت فرمایا: ’’کیا اس کے ذمے قرض ہے؟‘‘ ہم نے عرض کیا: دو دینار۔ یہ سن کر آپ واپس تشریف لے آئے۔ حضرت ابوقتادہ رضی اللہ عنہ نے دو دینار کی ادائیگی اپنے ذمے لے لی‘ پھر ہم آپ کے پاس آئے تو حضرت ابوقتادہ رضی اللہ عنہ نے کہا: دو دینار میرے ذمے ہیں۔ آپ نے فرمایا: ’’(کیا تم پر) مقروض کی طرح لازم و حق ہوگیا؟ اور میت ان سے بری الذمہ ہوگئی؟‘‘ تو حضرت ابوقتادہ رضی اللہ عنہ نے کہا: جی ہاں! پھر آپ نے اس کی نماز جنازہ پڑھائی۔ (اسے احمد‘ ابوداود اور نسائی نے روایت کیا ہے‘ نیز ابن حبان اور حاکم دونوں نے اسے صحیح کہا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم کے پاس مقروض شخص کا جنازہ لایا جاتا تو پہلے آپ دریافت فرماتے: ’’کیا اس نے قرض کی ادائیگی کے لیے کچھ چھوڑا ہے؟‘‘ اگر بتایا جاتا کہ اس نے ادائیگی کے لیے اپنا مال چھوڑا ہے تو آپ اس کی نماز جنازہ پڑھاتے ورنہ فرما دیتے: ’’جاؤ! تم اپنے ساتھی کی نماز جنازہ پڑھ لو۔‘‘ پھر جب اللہ تعالیٰ نے فتوحات کے دروازے کھول دیے تو آپ نے فرمایا: ’’میں مومنوں کے ان کی جانوں سے بھی زیادہ قریب ہوں‘ لہٰذا اب جو شخص فوت ہو جائے اور اس پر قرض کا بار ہو تو اس قرضے کی ادائیگی میرے ذمے ہے۔‘‘ (بخاری و مسلم) اور بخاری کی ایک روایت میں یہ الفاظ ہیں: ’’جو آدمی فوت ہو گیا اور اس نے اتنا ترکہ پیچھے نہیں چھوڑا جو قرض کی ادائیگی کے لیے کافی ہو…‘‘

اردو ترجمہ · UrduUnverified translation

حضرت عمرو بن شعیب اپنے والد (شعیب) سے اور وہ اپنے دادا (عبداللہ بن عمرو رضی اللہ عنہ ) سے بیان کرتے ہیں‘ رسول اللہ صلی اللہ علیہ وسلم نے فرمایا: ’’اللہ کی حدود میں ضمانت و ذمہ داری نہیں۔‘‘ (اسے بیہقی نے کمزور سند سے روایت کیا ہے۔)