اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’اللہ تعالیٰ کا ارشاد گرامی ہے: میں دو شراکت کرنے والوں میں تیسرا ہوتا ہوں جب تک ان میں سے کوئی ایک دوسرے کی خیانت نہ کرے۔ جونہی ان میں سے کوئی ایک خیانت کا مرتکب ہوتا ہے تو میں ان کے درمیان سے نکل جاتا ہوں۔‘‘ (اسے بوداود نے روایت کیا ہے اور حاکم نے صحیح کہا ہے۔)

اردو ترجمہ · UrduUnverified translation

حضرت سائب مخزومی رضی اللہ عنہ سے مروی ہے کہ وہ بعثت سے پہلے نبی صلی اللہ علیہ وسلم کی تجارت میں شریک تھے‘ پھر وہ فتح مکہ کے موقع پر آئے تو آپ نے فرمایا: ’’خوش آمدید میرے بھائی اور میرے شریک!‘‘ (اسے احمد‘ ابوداود اور ابن ما جہ تینوں نے روایت کیا ہے۔)

اردو ترجمہ · UrduUnverified translation

حضرت عبداللہ بن مسعود رضی اللہ عنہ سے روایت ہے‘ انھوں نے کہا: میں‘ عمار بن یاسر اور حضرت سعد رضی اللہ عنہما نے ان چیزوں میں شراکت کی جو ہمیں بدر کے روز حاصل ہوئیں۔ … الحدیث (اسے نسائی نے روایت کیا ہے)

اردو ترجمہ · UrduUnverified translation

حضرت جابر بن عبداللہ رضی اللہ عنہما سے روایت ہے کہ میں نے خیبر کی طرف جانے کا ارادہ کیا تو میں نبی صلی اللہ علیہ وسلم کی خدمت میں حاضر ہوا۔ آپ نے فرمایا: ’’جب تو خیبر میں میرے وکیل کے پاس پہنچے تو اس سے پندرہ وسق وصول کر لینا۔‘‘ (اسے ابوداود نے روایت کیا ہے اور اسے صحیح قرار دیا ہے۔)

اردو ترجمہ · UrduUnverified translation

حضرت عروہ بارقی رضی اللہ عنہ سے روایت ہے کہ رسول اللہ صلی اللہ علیہ وسلم نے انھیں ایک دینار دے کر بھیجا تاکہ آپ کے لیے قربانی کا جانور خرید کر لائیں… الحدیث (بخاری نے اسے ایک حدیث کے ضمن میں روایت کیا ہے جس کا ذکر پہلے (حدیث:۶۸۶ کے تحت) ہو چکا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ وہ فرماتے ہیں: رسول اللہ صلی اللہ علیہ وسلم نے حضرت عمر رضی اللہ عنہ کو زکاۃ وصول کرنے پر تحصیلدار مقرر فرمایا …الحدیث۔ (بخاری و مسلم)

اردو ترجمہ · UrduUnverified translation

حضرت جابر رضی اللہ عنہ سے روایت ہے کہ نبی صلی اللہ علیہ وسلم نے تریسٹھ اونٹ خود ذبح کیے اور حضرت علی رضی اللہ عنہ کو حکم دیا کہ باقی وہ ذبح کریں…الحدیث (مسلم)

اردو ترجمہ · UrduUnverified translation

حضرت ابوہریرہ رضی اللہ عنہ سے مزدور کے قصے کے بارے میں مروی ہے کہ نبی ٔ کریم صلی اللہ علیہ وسلم نے فرمایا: ’’اے اُنَیس! اس عورت کے پاس جاؤ اگر وہ (اپنا گناہ) تسلیم کر لے تو اسے سنگسار کر دو…۔‘‘الحدیث (بخاری و مسلم)

اردو ترجمہ · UrduUnverified translation

حضرت ابوذر رضی اللہ عنہ سے روایت ہے کہ رسول اللہ صلی اللہ علیہ وسلم نے مجھ سے فرمایا: ’’حق کہو‘ خواہ کڑوا ہی کیوں نہ ہو۔‘‘ (اسے ابن حبان نے ایک لمبی حدیث میں روایت کیا اور صحیح کہا ہے۔)