اردو ترجمہ · UrduUnverified translation

حضرت سمرہ بن جندب رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’ہاتھ نے جو کچھ لیا‘ جب تک اسے ادا نہ کر دے وہ اس کے ذمے رہتا ہے۔‘‘ (اسے احمد اور چاروں نے روایت کیا ہے اور حاکم نے اسے صحیح قرار دیاہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’جس کسی نے تمھارے پاس امانت رکھی ہو‘ تم اسے امانت واپس کر دو۔ اور جس نے تمھارے ساتھ خیانت کی تم اس کے ساتھ خیانت نہ کرو۔‘‘ (اسے ابوداود اور ترمذی نے روایت کیا ہے اور ترمذی نے اسے حسن قرار دیا ہے اور حاکم نے اسے صحیح کہا ہے اور ابوحاتم رازی نے اسے منکر جانا ہے۔)

اردو ترجمہ · UrduUnverified translation

حضرت یعلیٰ بن اُمَیّہ رضی اللہ عنہ سے مروی ہے‘ رسول اللہ صلی اللہ علیہ وسلم نے مجھ سے فرمایا: ’’جب تمھارے پاس میرے ایلچی و قاصد آئیں تو انھیں تیس زرہیں دے دینا۔‘‘ میں نے عرض کیا: اے اللہ کے رسول! (یہ کیسی عاریت ہوگی) ضمان ہو گی یا اسے (بعینہٖ) واپس ادا کریں گے۔ آپ نے فرمایا: ’’واپس ادا کریں گے۔‘‘ (اسے احمد‘ ابوداود اور نسائی نے روایت کیا ہے اور ابن حبان نے صحیح کہا ہے۔)

اردو ترجمہ · UrduUnverified translation

حضرت صفوان بن اُمَیّہ رضی اللہ عنہ سے روایت ہے کہ نبی صلی اللہ علیہ وسلم نے جنگ حنین کے موقع پر ان (صفوان) سے کچھ زرہیں عاریتاً لیں۔ انھوں نے کہا: اے محمد! کیا آپ غصب کر رہے ہیں؟ آپ نے فرمایا: ’’نہیں! بلکہ ضمانت کے ساتھ عاریتاً لے رہا ہوں۔‘‘ (اسے ابوداود‘ احمد اور نسائی نے روایت کیا ہے اور حاکم نے اسے صحیح کہا ہے اور ابن عباس رضی اللہ عنہما کی ایک ضعیف روایت بھی اس کے شاہد کے طور پر ذکر کی ہے۔)