اردو ترجمہ · UrduUnverified translation

حضرت زید بن ثابت رضی اللہ عنہ سے روایت ہے کہ رسول اللہ صلی اللہ علیہ وسلم نے عرایا میں رخصت دی کہ انھیں ان کے اندازے کے ساتھ ماپی ہوئی کھجوروں کے عوض فروخت کر دیا جائے۔ (بخاری و مسلم) اور مسلم میں ہے کہ آپ صلی اللہ علیہ وسلم نے عریہ میں رخصت دی کہ گھر والے اندازے سے خشک کھجور دے کر کھانے کے لیے تازہ کھجوریں حاصل کر لیں۔

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے بیع عرایا میں اجازت و رخصت عنایت فرما دی۔ بایں صورت کہ انھیں ان کے اندازے کی خشک کھجوروں کے عوض فروخت کر دیا جائے جبکہ وہ پانچ وسق کی مقدار سے کم ہوں یا پانچ وسق ہوں۔(بخاری و مسلم)

اردو ترجمہ · UrduUnverified translation

حضرت ابن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے بائع اور خریدار دونوں کو پھلوں کے پکنے سے پہلے خرید و فروخت کرنے سے منع فرمایا ہے۔ (بخاری و مسلم) اور ایک روایت میں ہے کہ جب رسول اللہ صلی اللہ علیہ وسلم سے پوچھا جاتا کہ پھلوں کے پکنے سے کیا مراد ہے؟ تو آپ فرماتے: ’’جب ان پر آفت اور نقصان کا اندیشہ نہ رہے۔‘‘

اردو ترجمہ · UrduUnverified translation

حضرت انس بن مالک رضی اللہ عنہ سے روایت ہے کہ نبی صلی اللہ علیہ وسلم نے پھلوں کو پکنے سے پہلے فروخت کرنا ممنوع قرار دیا ہے۔ کہا گیا کہ پکنے سے کیا مراد ہے؟ آپ نے فرمایا: ’’جب وہ سرخ اور زرد رنگ کا ہو جائے۔‘‘ (بخاری و مسلم اور یہ الفاظ بخاری کے ہیں۔)

اردو ترجمہ · UrduUnverified translation

حضرت انس رضی اللہ عنہ ہی سے مروی ہے کہ نبی صلی اللہ علیہ وسلم نے انگور کو سیاہ ہونے سے پہلے اور دانے کو سخت ہونے سے پہلے فروخت کرنے سے منع فرمایا ہے۔ (اسے نسائی کے سوا پانچوں نے روایت کیا ہے‘ نیز ابن حبان اور حاکم نے اسے صحیح کہا ہے۔)

اردو ترجمہ · UrduUnverified translation

حضرت جابر بن عبداللہ رضی اللہ عنہما سے روایت ہے‘ رسول اللہ صلی اللہ علیہ وسلم نے فرمایا: ’’اگر تو اپنے بھائی کے ہاتھ پھل فروخت کرے اور اسے کوئی آفت و مصیبت پہنچ جائے تو تیرے لیے اس سے کچھ بھی وصول کرنا حلال نہیں۔ تو بغیر کسی حق کے اپنے مسلمان بھائی کا مال کس وجہ سے لیتا ہے؟‘‘ (مسلم) اور مسلم کی ایک دوسری روایت میں ہے: نبی صلی اللہ علیہ وسلم نے آفت زدہ چیز کی قیمت نہ لینے کا حکم دیا ہے۔

اردو ترجمہ · UrduUnverified translation

حضرت ابن عمر رضی اللہ عنہما سے روایت ہے‘ نبی صلی اللہ علیہ وسلم نے فرمایا: ’’جس کسی نے کھجور کے درخت پیوند کاری کے عمل کے بعد خریدے تو اس صورت میں پھل‘ فروخت کرنے والے کے ہوں گے ا لاّ یہ کہ خریدار پھل کی شرط کرلے۔‘‘ (بخاری و مسلم)