اردو ترجمہ · UrduUnverified translation

حضرت ابن عمر رضی اللہ عنہما سے روایت ہے‘ رسول اللہ صلی اللہ علیہ وسلم نے فرمایا: ’’کسی مسلمان کو یہ لائق نہیں ہے کہ وہ اپنی کسی چیز کے بارے میں وصیت کرنے کا ارادہ رکھتا ہو مگر وہ دو راتیں بھی اس حالت میں گزار دے کہ اس کے پاس وصیت تحریری شکل میں موجود نہ ہو۔‘‘ (بخاری و مسلم)

اردو ترجمہ · UrduUnverified translation

حضرت سعد بن ابی وقاص رضی اللہ عنہما سے روایت ہے‘ وہ فرماتے ہیں کہ میں نے عرض کیا: اے اللہ کے رسول! میں مالدار آدمی ہوں اور میری وارث صرف میری ایک بیٹی ہے۔ تو کیا میں دو تہائی مال کو صدقہ و خیرات کر دوں؟ آپ نے فرمایا: ’’نہیں۔‘‘ میں نے دوبارہ عرض کیا: کیا میں اپنے مال کا نصف حصہ خیرات کر دوں؟ آپ نے فرمایا: ’’نہیں۔‘‘ میں نے تیسری مرتبہ عرض کیا: تو کیا میں ایک تہائی مال صدقہ و خیرات کر سکتا ہوں؟ آپ نے فرمایا: ’’ہاں! مگر ایک تہائی بھی بہت ہے۔ تیرا اپنے ورثاء کو غنی چھوڑ جانا اس سے کہیں بہتر ہے کہ تو انھیں محتاج چھوڑے اور وہ لوگوں کے سامنے ہاتھ پھیلاتے پھریں۔‘‘ (بخاری و مسلم)

اردو ترجمہ · UrduUnverified translation

حضرت عائشہ رضی اللہ عنہا سے روایت ہے کہ ایک شخص نبی صلی اللہ علیہ وسلم کی خدمت میں حاضر ہوا اور عرض کیا: اے اللہ کے رسول! میری والدہ اچانک وفات پا گئی ہے اور اس نے کوئی وصیت نہیں کی۔ میرا اس کے بارے میں خیال ہے کہ اگر وہ کوئی گفتگو کرتی تو صدقہ (ضرور) کرتی۔ کیا اسے ثواب ملے گا اگر میں اس کی جانب سے صدقہ کر دوں؟ آپ نے فرمایا: ’’ہاں۔‘‘ (بخاری و مسلم‘ یہ الفاظ مسلم کے ہیں۔)

اردو ترجمہ · UrduUnverified translation

حضرت ابوامامہ باہلی رضی اللہ عنہ سے مروی ہے کہ میں نے رسول اللہ صلی اللہ علیہ وسلم کو فرماتے ہوئے سنا ہے: ’’اللہ تعالیٰ نے ہر حقدار کو اس کا حق عطا فرما دیا ہے‘ لہٰذا اب کسی وارث کے لیے کوئی وصیت نہیں۔‘‘ (اسے احمد نے اور سوائے نسائی کے چاروں نے روایت کیا ہے۔ احمد اور ترمذی نے اسے حسن کہا ہے اور ابن خزیمہ اور ابن جارود نے اسے قوی قرار دیا ہے۔ اور دارقطنی نے اسے ابن عباس رضی اللہ عنہما کے حوالے سے روایت کیا ہے اور اس کے آخر میں یہ اضافہ بھی نقل کیا ہے: ’’الا یہ کہ اس کے وارث چاہیں۔‘‘ اور اس کی سند حسن ہے۔)

اردو ترجمہ · UrduUnverified translation

حضرت معاذ بن جبل رضی اللہ عنہ سے روایت ہے‘ نبی صلی اللہ علیہ وسلم نے فرمایا: ’’اللہ تعالیٰ نے تم کو موت کے وقت تہائی مال کی وصیت کرنے کی اجازت دے کر تم پر احسان فرمایا ہے تاکہ تمھاری نیکیاں زیادہ ہو جائیں۔‘‘ (اسے دارقطنی نے روایت کیا ہے اور احمد اور بزار نے حضرت ابوالدرداء رضی اللہ عنہ کے حوالے سے اسے بیان کیا ہے اور ابن ماجہ نے حضرت ابوہریرہ رضی اللہ عنہ کے حوالے سے۔ مگر ساری کی ساری روایتیں ضعیف ہیں‘ اس کے باوجود بعض‘ بعض کے لیے باعث تقویت ہیں۔ واللّٰہ أعلم۔

اردو ترجمہ · UrduUnverified translation

حضرت عمرو بن شعیب اپنے والد (شعیب) سے اور وہ (شعیب) اپنے دادا (عبداللہ بن عمرو رضی اللہ عنہما ) سے روایت کرتے ہیں‘ نبی صلی اللہ علیہ وسلم نے فرمایا: ’’جس کسی کے پاس کوئی چیز امانت کے طور پر رکھی جائے تو اس پر ذمہ داری نہیں ہے۔‘‘ (اسے ابن ماجہ نے روایت کیا ہے اور اس کی سند ضعیف ہے۔)