اردو ترجمہ · UrduUnverified translation

حضرت جابر بن عبداللہ رضی اللہ عنہما فرماتے ہیں کہ رسول اللہ صلی اللہ علیہ وسلم نے ہر اس چیز میں شفعے کا فیصلہ دیا ہے جو تقسیم نہ ہوئی ہو‘ مگر جب حد بندی ہو جائے اور راستے الگ ہو جائیں تو پھر شفعہ نہیں۔ (بخاری و مسلم۔ اور یہ الفاظ بخاری کے ہیں۔) اور مسلم کی ایک روایت میں ہے: ’’شفعہ ہر مشترک چیز میں ہے‘ (مثلاً:) زمین میں‘ مکان میں‘ باغ میں۔ اپنے حصے دار (شریک) کے روبرو پیش کیے بغیر چیز فروخت کرنا کسی کے لیے درست نہیں۔‘‘ اور طحاوی کی روایت میں ہے کہ نبی ٔ کریم صلی اللہ علیہ وسلم نے ہر چیز میں شفعے کا حق رکھا ہے۔ اس کے راوی ثقہ ہیں۔

اردو ترجمہ · UrduUnverified translation

حضرت ابورافع رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’ہمسایہ اپنے قرب (ہمسائیگی) کی وجہ سے زیادہ حق رکھتا ہے۔‘‘ (اسے بخاری نے روایت کیا ہے اور اس کے بارے میں ایک لمبا قصہ ہے۔)

اردو ترجمہ · UrduUnverified translation

حضرت انس بن مالک رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’مکان کا ہمسایہ اس مکان کا زیادہ حق رکھتا ہے۔‘‘ (اسے نسائی نے روایت کیا ہے اور ابن حبان نے اسے صحیح کہا ہے لیکن اس میں علت ہے۔)

اردو ترجمہ · UrduUnverified translation

حضرت جابر رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’ہمسایہ اپنے ہمسائے کے شفعے کا زیادہ حقدار ہے۔ اس (ہمسائے) کا انتظار کیا جائے گا اگرچہ وہ غائب ہو بشرطیکہ دونوں کا راستہ ایک ہو۔‘‘ (اسے احمد اور چاروں نے روایت کیا ہے اور اس کے راوی ثقہ ہیں۔)

اردو ترجمہ · UrduUnverified translation

حضرت ابن عمر رضی اللہ عنہما سے مروی ہے‘ نبی صلی اللہ علیہ وسلم نے فرمایا: ’’شفعہ رسی کھولنے کی طرح ہے۔‘‘ (اسے ابن ما جہ اور بزار نے روایت کیا ہے۔) اور بزار نے یہ اضافہ بھی نقل کیا ہے: ’’غیر حاضر و غائب کے لیے شفعے کا کوئی حق نہیں۔‘‘ (اس کی سند ضعیف ہے۔)

اردو ترجمہ · UrduUnverified translation

حضرت صہیب رضی اللہ عنہ سے مروی ہے‘ رسول اللہ صلی اللہ علیہ وسلم نے فرمایا: ’’تین کام بڑے بابرکت ہیں: مدت مقررہ تک بیع‘ مضاربت کرنا اور گندم میں جَو ملانا‘ گھر کے لیے‘ فروخت کرنے کے لیے نہیں۔‘‘ (اسے ابن ماجہ نے ضعیف سند سے روایت کیا ہے۔)

اردو ترجمہ · UrduUnverified translation

حضرت حکیم بن حزام رضی اللہ عنہ سے روایت ہے کہ وہ جب کسی شخص کو مضاربت پر اپنا سرمایہ دیتے تو اس سے یہ شرط کر لیا کرتے تھے کہ میرا سرمایہ‘ حیوان کی تجارت میں نہیں لگاؤ گے‘ سمندر میں لے کر نہیں جاؤ گے اور سیلاب کی جگہوں میں لے کر نہیں جاؤ گے۔ اگر تم نے ان میں سے کوئی کام بھی کیا تو میرے مال کے تم خود ضامن و ذمہ دار ہو گے۔ (اسے دارقطنی نے روایت کیا ہے اور اس کے راوی ثقہ ہیں۔)امام مالک رحمہ اللہ موطا میں علاء بن عبدالرحمن بن یعقوب سے‘ وہ (علاء) اپنے باپ (عبدالرحمن) سے اور وہ (عبدالرحمن) اس (علاء) کے دادا (یعقوب) سے بیان کرتے ہیں کہ اس (یعقوب) نے حضرت عثمان رضی اللہ عنہ کے مال میں اس شرط پر تجارت کی تھی کہ منافع دونوں کے درمیان تقسیم ہوگا۔ (یہ حدیث موقوف صحیح ہے۔)