اردو ترجمہ · UrduUnverified translation

حضرت ابن عباس رضی اللہ عنہما سے مروی ہے کہ رسول اللہ صلی اللہ علیہ وسلم کو (حدیبیہ پر) روک دیا گیا تو آپ نے اپنا سر منڈوایا‘ اپنی ازواج سے تعلق زوجیت قائم کیا اور قربانی کے جانوروں کو ذبح کیا‘ پھر آپ نے آئندہ سال عمرہ کیا۔ (اسے بخاری نے روایت کیا ہے۔)

اردو ترجمہ · UrduUnverified translation

حضرت عائشہ رضی اللہ عنہا سے روایت ہے کہ نبی صلی اللہ علیہ وسلم ضباعہ بنت زبیر بن عبدالمطلب رضی اللہ عنہما کے ہاں تشریف لے گئے۔ انھوں نے عرض کیا: اے اللہ کے رسول! میں حج کرنے کا ارادہ رکھتی ہوں مگر میں بیمار ہوں۔ تو نبی صلی اللہ علیہ وسلم نے فرمایا: ’’حج کر اوریہ شرط کر لے کہ میرے احرام کھولنے کی جگہ وہی ہوگی جہاں اے اللہ! تو نے مجھے روکا۔‘‘ (بخاری و مسلم)

اردو ترجمہ · UrduUnverified translation

حضرت عکرمہ حجاج بن عمرو انصاری رضی اللہ عنہ سے بیان کرتے ہیں کہ رسول اللہ صلی اللہ علیہ وسلم نے فرمایا: ’’جس کی ہڈی توڑی جائے یا وہ لنگڑا ہو جائے تو وہ حلال ہو گیا (احرام سے نکل گیا۔) اب اس پر آئندہ سال حج کرنا لازمی ہے۔‘‘ عکرمہ کا بیان ہے کہ میں نے حضرت ابن عباس اور حضرت ابوہریرہ رضی اللہ عنہم سے اس کے متعلق دریافت کیا تو ان دونوں نے جواب دیا کہ حضرت حجاج بن عمرو رضی اللہ عنہ نے ٹھیک اور سچ کہا ہے۔ (اسے پانچوں نے روایت کیا ہے اور ترمذی نے اسے حسن قرار دیا ہے۔)