اردو ترجمہ · UrduUnverified translation

حضرت ابوہریرہ رضی اللہ عنہ نبی صلی اللہ علیہ وسلم سے بیان کرتے ہیں کہ آپ نے فرمایا: ’’درندوں میں سے ہر کچلی والے جانور کو کھانا حرام ہے۔‘‘ (اسے مسلم نے روایت کیا ہے۔)اور مسلم نے یہی روایت حضرت ابن عباس رضی اللہ عنہما کے حوالے سے ان الفاظ سے بیان کی ہے کہ آپ نے منع فرمایا ... اور اس میں یہ اضافہ ہے: ’’پرندوں میں ہر اس پرندے کو کھانا حرام ہے جو پنجوں (سے شکار کرنے) والا ہو۔‘‘

اردو ترجمہ · UrduUnverified translation

حضرت جابر بن عبداللہ رضی اللہ عنہما سے روایت ہے کہ رسول اللہ صلی اللہ علیہ وسلم نے خیبر کے روز گھریلو گدھوں کے گوشت کھانے سے منع فرمایا تھا اور گھوڑوں کے گوشت کی اجازت دی تھی۔ (بخاری و مسلم) اور بخاری کی روایت میں أَذِنَ کی بجائے رَخَّصَ کا لفظ ہے جس کے معنی ہیں کہ آپ نے رخصت دی۔

اردو ترجمہ · UrduUnverified translation

حضرت ابن ابی اوفیٰ رضی اللہ عنہ سے مروی ہے‘ انھوں نے کہا کہ ہم نے نبی صلی اللہ علیہ وسلم کے ہمراہ سات غزوات لڑے اور ہم ٹڈی کھاتے تھے۔ (بخاری و مسلم)

اردو ترجمہ · UrduUnverified translation

حضرت انس رضی اللہ عنہ سے خرگوش کے قصے کے متعلق روایت ہے ‘ وہ فرماتے ہیں کہ پھر اس (ابوطلحہ) نے اسے ذبح کیا اور اس کی ران رسول اللہ صلی اللہ علیہ وسلم کی خدمت میں پیش کی تو آپ نے اسے قبول فرمایا۔ (بخاری و مسلم)

اردو ترجمہ · UrduUnverified translation

حضرت ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے جانوروں میں سے چار کو مارنے سے منع فرمایا ہے: چیونٹی‘ شہد کی مکھی‘ ہدہد اور لٹورا۔ (اسے احمد اور ابوداود نے روایت کیا ہے۔ اور ابن حبان نے اسے صحیح کہاہے۔)

اردو ترجمہ · UrduUnverified translation

حضرت ابن ابی عمار رحمہ اللہ سے روایت ہے کہ میں نے جابر رضی اللہ عنہ سے دریافت کیا کہ کیا لگڑ بھگا بھی شکار ہے؟ انھوں نے کہا: ہاں۔ میں نے پھر پوچھا: (کیا)رسول اللہ صلی اللہ علیہ وسلم نے فرمایا ہے؟ انھوں نے کہا: ہاں۔ (اسے احمد اور چاروں نے روایت کیا ہے‘ نیز بخاری اور ابن حبان نے اسے صحیح قرار دیا ہے۔)

اردو ترجمہ · UrduUnverified translation

حضرت ابن عمر رضی اللہ عنہما سے روایت ہے کہ ان سے خار پشت کے متعلق دریافت کیا گیا۔ انھوں نے جواب میں اللہ کا یہ فرمان سنایا: ﴿ قُلْ لاَ اَجِدُ فِیْ مَآ اُوْحِیَ اِلَیَّ مُحَرَّمًا…﴾الآیہ(الأنعام۶:۱۴۵) (’’اے رسول!) کہہ دے کہ میں اس میں کوئی حرام چیز نہیں پاتا جو میری طرف وحی کی گئی ہے…‘‘ ان کے پاس ایک بزرگ بیٹھے تھے‘ انھوں نے کہا: میں نے حضرت ابوہریرہ رضی اللہ عنہ سے سنا ہے ‘ وہ فرما رہے تھے کہ اس (خارپشت) کا ذکر نبی صلی اللہ علیہ وسلم کے پاس کیا گیا تو آپ نے فرمایا: ’’یہ خبیثوں میں سے ایک خبیث (جانور) ہے۔‘‘ (اسے احمد اور ابوداود نے روایت کیا ہے اور اس کی سند ضعیف ہے۔)

اردو ترجمہ · UrduUnverified translation

حضرت ابن عمر رضی اللہ عنہما سے مروی ہے کہ رسول اللہ صلی اللہ علیہ وسلم نے گندگی خور جانور اور اس کے دودھ سے منع فرمایا ہے۔ (نسائی کے سوا اسے چاروں نے روایت کیا ہے۔ اور ترمذی نے اسے حسن قرار دیا ہے۔)

اردو ترجمہ · UrduUnverified translation

حضرت ابوقتادہ رضی اللہ عنہ سے جنگلی گدھے کے قصے کے سلسلے میں مروی ہے کہ نبی صلی اللہ علیہ وسلم نے اس کا گوشت تناول فرمایا۔ (بخاری و مسلم)

اردو ترجمہ · UrduUnverified translation

حضرت اسماء بنت ابی بکر رضی اللہ عنہما سے روایت ہے کہ ہم نے رسول اللہ صلی اللہ علیہ وسلم کے عہد میں گھوڑا ذبح کیا اور اسے کھایا۔ (بخاری و مسلم)

اردو ترجمہ · UrduUnverified translation

حضرت ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم کے دستر خوان پر ضب (سانڈا) کھایا گیا۔ (بخاری و مسلم)

اردو ترجمہ · UrduUnverified translation

حضرت عبدالرحمن بن عثمان قرشی رضی اللہ عنہ سے مروی ہے کہ ایک طبیب نے رسول اللہ صلی اللہ علیہ وسلم سے مینڈک کو بطور دوا استعمال کرنے کے بارے میں دریافت کیا تو آپ نے اسے قتل کرنے سے منع فرمایا۔ (اسے احمد نے روایت کیا ہے اور حاکم نے اسے صحیح کہا ہے۔)