اردو ترجمہ · UrduUnverified translation

حضرت معاذ رضی اللہ عنہ سے روایت ہے کہ غزوۂ خیبر میں ہم رسول اللہ صلی اللہ علیہ وسلم کے ساتھ تھے۔ اس میں ہمارے ہاتھ کچھ بکریاں آئیں تو رسول اللہ صلی اللہ علیہ وسلم نے ان میں سے کچھ ہم میں تقسیم کر دیں اور باقی مال غنیمت میں شامل کر دیں۔ (اسے ابوداود نے روایت کیا ہے۔ اور اس کے راوی ایسے ہیں جن میں کوئی حرج نہیں۔)

اردو ترجمہ · UrduUnverified translation

حضرت ابورافع رضی اللہ عنہ سے مروی ہے‘ رسول اللہ صلی اللہ علیہ وسلم نے فرمایا: ’’بے شک میں عہد شکنی کرتا ہوں نہ قاصدوں اور سفیروں کو قید کرتا ہوں۔‘‘ (اسے ابوداود اور نسائی نے روایت کیا ہے‘ نیز ابن حبان نے اسے صحیح قراردیا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’تم جس بستی میں بھی آؤ اور اس میں قیام کرو ‘ اس میں تمھارا حصہ ہے۔ اور جو بستی اللہ اور اس کے رسول کی نافرمان ہو تو اس کا خمس‘ اللہ اور اس کے رسول کا ہے‘ پھر وہ (بستی کا بقیہ) تمھارے لیے ہے۔‘‘ (اسے مسلم نے روایت کیا ہے۔)