اردو ترجمہ · UrduUnverified translation

حضرت ابوبردہ انصاری رضی اللہ عنہ سے مروی ہے کہ انھوں نے رسول اللہ صلی اللہ علیہ وسلم کو فرماتے ہوئے سنا: ’’حدود اللہ کے علاوہ کسی جرم میں دس کوڑوں سے زیادہ سزا نہ دی جائے۔‘‘ (بخاری و مسلم)

اردو ترجمہ · UrduUnverified translation

حضرت عائشہ رضی اللہ عنہا سے مروی ہے کہ نبی صلی اللہ علیہ وسلم نے فرمایا: ’’اصحاب عز و شرف کی لغزشوں سے درگزر کیا کرو‘ سوائے اس کے کہ شرعی حدود ہوں۔‘‘ (اسے احمد‘ ابوداود‘ نسائی اور بیہقی نے روایت کیا ہے۔)

اردو ترجمہ · UrduUnverified translation

حضرت علی رضی اللہ عنہ سے روایت ہے‘ انھوں نے فرمایا: کوئی شخص ایسا نہیں ہے کہ میں اس پر حد قائم کروں اور وہ مر جائے تو مجھے اس کا افسوس ہو‘ سوائے شرابی کے۔ چنانچہ اگر وہ مر جائے تو میں اس کی دیت ادا کروں گا۔ (اسے بخاری نے روایت کیا ہے۔)

اردو ترجمہ · UrduUnverified translation

حضرت سعید بن زید رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’جو شخص اپنے مال و متاع کی حفاظت کرتا ہوا مارا جائے وہ شہید ہے۔‘‘ (اسے چاروں نے روایت کیا ہے اور ترمذی نے اسے صحیح قرار دیا ہے۔)

اردو ترجمہ · UrduUnverified translation

حضرت عبداللہ بن خباب سے روایت ہے کہ میں نے اپنے والد کو بیان کرتے سنا‘ وہ کہتے تھے کہ میں نے رسول اللہ صلی اللہ علیہ وسلم کو فرماتے ہوئے سنا ہے : (’’میرے بعد) فتنے رونما ہوں گے۔ اے اللہ کے بندے! تو ان (فتنوں کے دور) میں مقتول بن جانا‘ قاتل نہ بننا۔‘‘ (اسے ابن أبي خیثمہ اور دارقطنی نے بیان کیاہے اور احمد نے اسی جیسی روایت خالد بن عرفطہ سے بیان کی ہے۔)