Hadith 121–128

اردو ترجمہ · UrduUnverified translation

حضرت ام عطیہ رضی اللہ عنہا بیان کرتی ہیں کہ ہم (ایام ماہواری کے اختتام پر) نہا دھو کر پاک صاف ہونے کے بعد گدلے اور زرد رنگ کی چیز (خارج ہونے) کو کوئی اہمیت نہیں دیتی تھیں۔ (اسے بخاری اور ابوداود نے روایت کیا ہے اور الفاظ ابوداود کے ہیں۔)

اردو ترجمہ · UrduUnverified translation

حضرت انس رضی اللہ عنہ بیان کرتے ہیں کہ یہودیوں کے ہاں جب کسی عورت کو حیض آتا تو وہ اس عورت کے ساتھ کھانا پینا ترک کر دیتے۔ نبی صلی اللہ علیہ وسلم نے فرمایا: ’’ تم ان (عورتوں) کے ساتھ جماع کے سوا ہر قسم کا فعل کر سکتے ہو۔ ‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت عائشہ رضی اللہ عنہا بیان کرتی ہیں کہ رسول اللہ صلی اللہ علیہ وسلم مجھے تہبند مضبوطی سے باندھنے کا حکم فرماتے، پھر میرے ساتھ لیٹ جاتے‘ حالانکہ میں اس وقت حالت حیض میں ہوتی تھی۔ (بخاری و مسلم)

اردو ترجمہ · UrduUnverified translation

حضرت ابن عباس رضی اللہ عنہما رسول اللہ صلی اللہ علیہ وسلم سے ایسے آدمی کے بارے میں روایت کرتے ہیں جو اپنی بیوی سے حالت حیض میں مجامعت کرتا ہے کہ آپ نے فرمایا: ’’وہ ایک دینار یا نصف دینار صدقہ و خیرات کرے۔‘‘ (اسے پانچوں نے روایت کیا ہے۔ حاکم اور ابن قطان دونوں نے صحیح قرار دیا ہے۔ اور ان دونوں کے علاوہ دوسرے محدثین نے اس کا موقوف ہونا راجح قرار دیا ہے۔)

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں‘ رسول اللہ صلی اللہ علیہ وسلم کا ارشاد گرامی ہے:’’ کیا عورت جب حالت حیض میں ہوتی ہے تو نماز اور روزہ چھوڑ نہیں دیتی؟‘‘ (بخاری و مسلم- یہ لمبی حدیث کا ٹکڑا ہے۔)

اردو ترجمہ · UrduUnverified translation

حضرت عائشہ رضی اللہ عنہا فرماتی ہیں کہ جب ہم مقام سرف میں آئے تو مجھے ایام ماہواری شروع ہوگئے‘ چنانچہ (میرے بتانے پر) نبی صلی اللہ علیہ وسلم نے فرمایا: ’’مناسک حج تم بھی اسی طرح ادا کرو جس طرح دوسرے حاجی کرتے ہیں‘ البتہ طوافِ بیت اللہ ان ایام سے فارغ ہوکر نہا دھو کر کرنا۔‘‘ (بخاری و مسلم۔ یہ لمبی حدیث کا ٹکڑاہے۔)

اردو ترجمہ · UrduUnverified translation

حضرت معاذ بن جبل رضی اللہ عنہ سے روایت ہے کہ انھوں نے نبی صلی اللہ علیہ وسلم سے سوال کیا کہ جب عورت ایام ماہواری میں ہو تو اس کی اپنے شوہر کے لیے کیا کیا چیز حلال ہے؟ آپ نے فرمایا: ’’ازار سے اوپر والا حصہ اس کے لیے حلال ہے۔‘‘ (اسے ابوداود نے روایت کیا ہے اور ضعیف قرار دیا ہے۔)

اردو ترجمہ · UrduUnverified translation

حضرت ام سلمہ رضی اللہ عنہا سے روایت ہے کہ عہدرسالت میں عورتیں بچے کی ولادت کے بعد چالیس روز تک (نماز‘ روزے سے) بیٹھی رہتی تھیں۔ (اسے نسائی کے علاوہ پانچوں نے روایت کیا ہے اور الفاظ ابوداود کے ہیں۔)اور اس کی ایک اور روایت میں ہے کہ نبی صلی اللہ علیہ وسلم نے ایام نفاس میں چھوڑی ہوئی نمازوں کی قضا دینے کا حکم نہیں دیا۔ (اسے حاکم نے صحیح قرار دیا ہے۔)