Muwatta Imam Malik · Book 9 · Chapter 92

سفر میں نماز قصر کرنے کے متعلق کتاب

نمازی کے آگے سے کسی شخص کے گزرنے کے متعلق سخت وعید کا بیان

5 hadiths in this chapter

362

Muwatta Imam Malik #362

Sahih

[362] حَدَّثَنِی یَحْیَی، عَنْ مَالِکٍ، عَنْ زَیْدِ بْنِ أَسْلَمَ، عَنْ عَبْدِ الرَّحْمَنِ بْنِ أبِی سَعِیدٍ الْخُدْرِیِّ، عَنْ أَبِیہِ، أَنَّ رَسُولَ اللّٰہ ﷺ قَالَ: إِذَا کَانَ أَحَدُکُمْ یُصَلِّی، فَلَا یَدَعْ أَحَداً یَمُرُّ بَیْنَ یَدَیْہِ، وَلْیَدْرَأْہُ مَا اسْتَطَاعَ، فَإِنْ أَبَی فَلْیُقَاتِلْہُ، فَإِنَّمَا ہُوَ شَیْطَانٌ ۔

اردو ترجمہ · Urdu

عبدالرحمن بن ابوسعید رضی اللہ عنہ اپنے والد حضرت ابوسعید خُدْری رضی اللہ عنہ سے روایت کرتے ہیں کہ رسول اللہ ﷺ نے فرمایا :’’ جب تم میں سے کوئی شخص نماز پڑھ رہا ہو تو کسی ( ایسے ) شخص کو نہ چھوڑے جو اُس کے آگے سے گزرنے لگے ( اور اُسے گزرنے نہ دے بلکہ ) اُسے چاہیے کہ اپنی طاقت کے بقدر اُسے پیچھے ہٹا دے ، ( پھر ) وہ ( گزرنے والا ) نہ مانے ( اور ضد میں آ کر وہیں سے گزرنا چاہے ) تو پھر ( نمازی ) اُس کے ساتھ لڑے کیونکہ وہ شیطان ہے ۔‘‘

363

Muwatta Imam Malik #363

Sahih

[363] وَحَدَّثَنِی عَنْ مَالِکٍ، عَنْ أبِی النَّضْرِ مَوْلَی عُمَرَ بْنِ عُبَیْدِ اللّٰہ، عَنْ بُسْرِ بْنِ سَعِیدٍ، أَنَّ زَیْدَ بْنَ خَالِدٍ الْجُہَنِیَّ أَرْسَلَہُ إِلَی أبِی جُہَیْمٍ یَسْأَلُہُ : مَاذَا سَمِعَ مِنْ رَسُولِ اللّٰہ ﷺ فِی الْمَارِّ بَیْنَ یَدَی الْمُصَلِّی ؟ فَقَالَ أَبُو جُہَیْمٍ : قَالَ رَسُولُ اللّٰہ ﷺ : لَوْ یَعْلَمُ الْمَارُّ بَیْنَ یَدَی الْمُصَلِّی مَاذَا عَلَیْہِ، لَکَانَ أَنْ یَقِفَ أَرْبَعِینَ خَیْراً لَہُ مِنْ أَنْ یَمُرَّ بَیْنَ یَدَیْہِ۔ قَالَ أَبُو النَّضْرِ : لَا أَدْرِی أَقَالَ أَرْبَعِینَ یَوْماً، أَوْ شَہْراً، أَوْ سَنَۃً۔

اردو ترجمہ · Urdu

بُسر بن سعید رحمہ اللہ سے روایت ہے ، کہتے ہیں کہ حضرت زید بن خالد جُہنی رحمہ اللہ نے اُن کو حضرت جُہَیم رضی اللہ عنہ کی طرف ( یہ کہہ کر ) بھیجا کہ اُن سے پوچھیں کہ انھوں نے نمازی کے آگے سے گزرنے والے شخص کے متعلق رسول اللہ ﷺ کو کیا فرماتے ہوئے سنا تھا ۔ تو حضرت ابو جُہَیم رضی اللہ عنہ نے کہا کہ رسول اللہ ﷺ نے فرمایا :’’ اگر نمازی کے آگے سے گزرنے والا شخص یہ جان لے کہ اس پر کیا ( گناہ اور عذاب لازم ہو جاتا ) ہے تو چالیس ( سال ) تک کھڑے رہنا اُس کے حق میں نمازی کے آگے سے گزرنے کی نسبت بہتر ( اور آسان معلوم ) ہو ۔‘‘

364

Muwatta Imam Malik #364

Sahih

[364] وَحَدَّثَنِی عَنْ مَالِکٍ، عَنْ زَیْدِ بْنِ أَسْلَمَ، عَنْ عَطَائِ بْنِ یَسَارٍ، أَنَّ کَعْبَ الأَحْبَارِ قَالَ : لَوْ یَعْلَمُ الْمَارُّ بَیْنَ یَدَی الْمُصَلِّی، مَاذَا عَلَیْہِ، لَکَانَ أَنْ یُخْسَفَ بِہِ، خَیْراً لَہُ مِنْ أَنْ یَمُرَّ بَیْنَ یَدَیْہِ.

اردو ترجمہ · Urdu

عطاء بن یسار رحمہ اللہ سے روایت ہے کہ کعب احبار رحمہ اللہ نے فرمایا : اگر نمازی کے سامنے سے گزرنے والا یہ جان لے کہ اس پر کیا ( وبال پڑے گا ) تو اُسے نمازی کے آگے سے گزرنے کی نسبت ( زمین میں زندہ ) دھنسا دیا جانا بہتر معلوم ہو ۔

365

Muwatta Imam Malik #365

Sahih

[365] وَحَدَّثَنِی عَنْ مَالِکٍ، أَنَّہُ بَلَغَہُ : أَنَّ عَبْدَ اللّٰہ بْنَ عُمَرَ کَانَ یَکْرَہُ، أَنْ یَمُرَّ بَیْنَ أَیْدِی النِّسَائِ وَہُنَّ یُصَلِّینَ۔

اردو ترجمہ · Urdu

امام مالک رحمہ اللہ کو یہ خبر پہنچی کہ حضرت عبداللہ بن عمر رضی اللہ عنہما عورتوں کے آگے سے گزرنا بھی نا پسند جانتے تھے جس وقت کہ وہ نماز پڑھ رہی ہوتیں ۔‘‘

366

Muwatta Imam Malik #366

Sahih

[366] وَحَدَّثَنِی عَنْ مَالِکٍ، عَنْ نَافِعٍ، أَنَّ عَبْدَ اللّٰہ بْنَ عُمَرَ کَانَ لَا یَمُرُّ بَیْنَ یَدَیْ أَحَدٍ، وَلَا یَدَعُ أَحَداً یَمُرُّ بَیْنَ یَدَیْہِ۔

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہما نہ تو کسی ( نمازی ) کے سامنے سے گزرتے تھے اور نہ ہی کسی کو اپنے آگے سے گزرنے دیتے تھے ۔