Muwatta Imam Malik #360
[360] حَدَّثَنِی یَحْیَی، عَنْ مَالِکٍ، عَنْ إِسْحَاقَ بْنِ عَبْدِ اللّٰہ بْنِ أبِی طَلْحَۃَ، عَنْ أَنَسِ بْنِ مَالِکٍ: أَنَّ جَدَّتَہُ مُلَیْکَۃَ دَعَتْ رَسُولَ اللّٰہ ﷺ لِطَعَامٍ، فَأَکَلَ مِنْہُ، ثُمَّ قَالَ رَسُولُ اللّٰہ ﷺ : قُومُوا فِلأُصَلِّیَ لَکُمْ۔ قَالَ أَنَسٌ: فَقُمْتُ إِلَی حَصِیرٍ لَنَا قَدِ اسْوَدَّ مِنْ طُولِ مَا لُبِسَ، فَنَضَحْتُہُ بِمَائٍ، فَقَامَ عَلَیْہِ رَسُولُ اللّٰہ ﷺ ، وَصَفَفْتُ أَنَا وَالْیَتِیمُ وَرَائَ ہُ، وَالْعَجُوزُ مِنْ وَرَائِنَا، فَصَلَّی لَنَا رَکْعَتَیْنِ، ثُمَّ انْصَرَفَ۔
اردو ترجمہ · Urdu
حضرت انس بن مالک رضی اللہ عنہ سے روایت ہے کہ ان کی نانی حضرت ملیکہ رضی اللہ عنہا نے رسول اللہ ﷺ کی کھانے کی دعوت کی ، چنانچہ آپ ﷺ ( آئے اور آپ ﷺ ) نے اس کھانے میں سے کچھ تناول فرمایا ، پھر رسول اللہ ﷺ نے ( گھر والوں سے ) فرمایا :’’ کھڑے ہو جاؤ تاکہ میں تمھیں ( نفل ) نماز پڑھاؤں ۔ ‘‘ حضرت انس رضی اللہ عنہ کہتے ہیں کہ میں اپنی ایک چٹائی ( کھجور وغیرہ کے پتوں سے بنی ہوئی بوری ) کی طرف اٹھا جو کہ لمبا عرصہ استعمال ہونے کی وجہ سے سیاہ ہو چکی تھی ، میں نے اس پر پانی چھڑکا ( تاکہ وہ نرم ہو جائے اور اُسے بچھا دیا ) تو رسول اللہ ﷺ ( اس پر ) کھڑے ہوئے اور میں نے اور ( ایک ) یتیم ( بچے ) نے آپ ﷺ کے پیچھے صف بنا لی اور بوڑھی اماں جان ( نانی صاحبہ ) ہمارے پیچھے ( اکیلی ) کھڑی ہو گئیں ، چنانچہ رسول اللہ ﷺ نے ہمیں دو رکعتیں پڑھائیں ، پھر آپ ﷺ ( نماز سے فارغ ہو کر ) تشریف لے گئے ۔