اردو ترجمہ · Urdu

حضرت ابوقتادہ انصاری رضی اللہ عنہ سے روایت ہے کہ رسول اللہ ﷺ نے فرمایا :’’ جب تم میں سے کوئی شخص مسجد میں داخل ہو تو اُسے بیٹھنے سے پہلے دو رکعتیں ادا کر لینی چاہئیں ۔‘‘

اردو ترجمہ · Urdu

ابونضر رحمہ اللہ جو کہ عمر بن عبیداللہ رحمہ اللہ کے آزاد کردہ غلام ہیں روایت کرتے ہیں کہ ابوسلمہ بن عبدالرحمٰن رضی اللہ عنہما نے اُن سے کہا کہ کیا میں نے تیرے ساتھی ( یعنی تیرے آقا عُمر بن عبیداللہ ) کو ایسا کرتے نہیں دیکھا کہ جب وہ مسجد میں داخل ہوتے ہیں تو ( تحیۃ المسجد کی دو ) رکعتیں پڑھے بغیر بیٹھ جاتے ہیں ، ابونضر رحمہ اللہ کہتے ہیں کہ وہ ( ابوسلمہ رضی اللہ عنہما ) اس لفظ ( یعنی صاحب اور ساتھی ) سے ( میرے آقا ) عمر بن عبیداللہ کو مراد لے رہے تھے اور ان پر اس بات کا عیب لگا رہے تھے کہ وہ مسجد میں داخل ہوتے ہیں تو دو رکعتیں پڑھے بغیر بیٹھ جاتے ہیں ۔