اردو ترجمہ · Urdu

امام مالک رحمہ اللہ کو یہ خبر پہنچی کہ زوجہ پیغمبر ﷺ سیدہ عائشہ رضی اللہ عنہا قمیص اور دوپٹے ہی میں نماز پڑھ لیا کرتی تھیں ۔

اردو ترجمہ · Urdu

محمد بن زید بن قُنفُذ رحمہ اللہ اپنی والدہ ( اُمِّ حرام آمنہ رحمہ اللہ ) سے روایت کرتے ہیں کہ انھوں نے زوجہ پیغمبر ﷺ سیدہ اُمِ سلمہ رضی اللہ عنہا سے سوال کیا کہ عورت کس قدر کپڑوں میں نماز ادا کر سکتی ہے ؟ تو حضرت اُمِ سلمہ رضی اللہ عنہا نے فرمایا : عورت ایک دوپٹے اور لمبی قمیص میں نماز پڑھ سکتی ہے جب کہ وہ قمیص اس کے پاؤں کا اوپر والا حصہ ڈھانپ رہی ہو ۔

اردو ترجمہ · Urdu

عبیداللہ بن اَسْوَد خولانی رحمہ اللہ جو زوجہ پیغمبر ﷺ سیدہ میمونہ رضی اللہ عنہا کی گود میں ( پلے بڑھے تھے اور ان کے لے پالک ) تھے ، سے روایت ہے کہ سیدہ میمونہ رضی اللہ عنہا ایک قمیص اور دوپٹے میں نماز ادا کر لیا کرتی تھیں اور اُن پر ازار ( تہبند ) نہیں ہوتا تھا ۔

اردو ترجمہ · Urdu

ہشام بن عروہ رحمہ اللہ اپنے باپ عُروہ رحمہ اللہ سے روایت کرتے ہیں کہ عورت نے اُن سے ( عروہ رحمہ اللہ سے ) فتویٰ طلب کیا ، کہنے لگی کہ بے شک ازار ( کا باندھنا ) مجھ پر دشوار گزرتا ہے تو کیا میں ایک قمیص اور ایک دوپٹے میں نماز پڑھ سکتی ہوں ؟ تو عُروہ رحمہ اللہ نے فرمایا : ہاں ، جب کہ وہ قمیص لمبی ہو ۔