اردو ترجمہ · Urdu

یحیی بن سعید رحمہ اللہ سے روایت ہے ، اُن کو یہ خبر پہنچی کہ رسول اللہ ﷺ نے فرمایا : تم میں سے کسی کا کیا نقصان ہو گا اگر وہ اپنے روز مرہ کے ( کام کاج کے ) کپڑوں کے علاوہ جمعہ کے لیے دو ( خاص ) کپڑے بنا لے ۔‘‘

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہما جب بھی جمعہ کے لیے جاتے تو تیل اور خوشبو ضرور لگا لیتے تھے ، الاّ یہ کہ وہ حالت ِاحرام میں ہوتے ۔

اردو ترجمہ · Urdu

حضرت ابوہریرہ رضی اللہ عنہ سے روایت ہے ، وہ کہا کرتے تھے کہ تم میں سے کسی کا حَرّہ جگہ پر نماز پڑھنا اس سے بہتر ہے کہ وہ گھر میں بیٹھا رہے ، ( لیکن بعض افراد کی یہ صورت حال کہ وہ جمعہ کے لیے جلدی نہیں آتے ) حتی کہ جب امام خطبہ دینا شروع کر دیتا ہے تو وہ ( پیچھے رہنے والا ) جمعہ کے دن لوگوں کی گردنیں پھلانگتا ہوا چلا آتا ہے ۔