اردو ترجمہ · Urdu

امام مالک رحمہ اللہ کو یہ خبر پہنچی کہ بے شک سیدہ ام سلمہ رضی اللہ عنہا زوجہ پیغمبر ﷺ نے عرض کیا کہ اے اللہ کے رسول ﷺ ! کیا ہم اس حال میں ہلاک ہو سکتے ہیں کہ ہمارے اندر نیک لوگ بھی موجود ہوں ؟ تو رسول اللہ ﷺ نے فرمایا :’’ ہاں ، جب برائی ( یا زنا ) زیادہ ہو جائے ۔‘‘

اردو ترجمہ · Urdu

حضرت عمر بن عبدالعزیز رحمہ اللہ سے روایت ہے ، فرماتے ہیں : یہ تو کہا جاتا ہے کہ بے شک اللہ تبارک و تعالیٰ خاص لوگوں کے گناہ کے سبب عام لوگوں کو عذاب میں مبتلا نہیں کرتا ، لیکن جب برائی کھلم کھلا کی جانے لگے تو وہ سب کے سب سزا کے مستحق بن جاتے ہیں ۔