Muwatta Imam Malik #1815
[1815] عَنْ عَطَائِ بْنِ یَسَارٍ : أَنَّ رَسُولَ اللّٰہِ ﷺ قَالَ : مَنْ وَقَاہُ اللّٰہُ شَرَّ اثْنَیْنِ وَلَجَ الْجَنَّۃَ فَقَالَ رَجُلٌ : یَا رَسُولَ اللّٰہِ لَا تُخْبِرْنَا۔ فَسَکَتَ رَسُولُ اللّٰہِ ﷺ ، ثُمَّ عَادَ رَسُولُ اللّٰہِ ﷺ ، فَقَالَ مِثْلَ مَقَالَتِہِ الأُولَی فَقَالَ لَہُ الرَّجُلُ : لَا تُخْبِرْنَا یَا رَسُولَ اللّٰہِ۔ فَسَکَتَ رَسُولُ اللّٰہِ ﷺ ، ثُمَّ قَالَ رَسُولُ اللّٰہِ ﷺ مِثْلَ ذَلِکَ أَیْضاً، فَقَالَ الرَّجُلُ : لَا تُخْبِرْنَا یَا رَسُولَ اللّٰہِ، ثُمَّ قَالَ رَسُولُ اللّٰہِ ﷺ مِثْلَ ذَلِکَ أَیْضاً، ثُمَّ ذَہَبَ الرَّجُلُ یَقُولُ مِثْلَ مَقَالَتِہِ الأُولَی، فَأَسْکَتَہُ رَجُلٌ إِلَی جَنْبِہِ۔ فَقَالَ رَسُولُ اللّٰہِ ﷺ : مَنْ وَقَاہُ اللّٰہُ شَرَّ اثْنَیْنِ وَلَجَ الْجَنَّۃَ، مَا بَیْنَ لَحْیَیْہِ وَمَا بَیْنَ رِجْلَیْہِ، مَا بَیْنَ لَحْیَیْہِ وَمَا بَیْنَ رِجْلَیْہِ، مَا بَیْنَ لَحْیَیْہِ وَمَا بَیْنَ رِجْلَیْہِ۔
اردو ترجمہ · Urdu
عطاء بن یسار رحمہ اللہ سے روایت ہے کہ بے شک رسول اللہ ﷺ نے فرمایا :’’ جس شخص کو اللہ تعالیٰ دو چیزوں کے شر سے بچا لے وہ جنت میں داخل ہو جائے گا ۔‘‘ ایک آدمی نے عرض کیا : اے اللہ کے رسول ﷺ ! کیا آپ ہمیں ( ان دو چیزوں کی ) خبر نہیں دیں گے تو رسول اللہ ﷺ خاموش رہے ۔ پھر رسول اللہ ﷺ نے ( اپنا پہلا فرمان ) دہرایا اور آپ ﷺ نے اپنی پہلی بات ہی کی طرح ( دوبارہ ) بھی ارشاد فرمایا ، تو وہی آدمی آپ ﷺ سے عرض گزار ہوا کہ اے اللہ کے رسول ﷺ ! کیا آپ ہمیں خبر نہ دیں گے ؟ تو رسول اللہ ﷺ ( اب کی بار بھی ) خاموش ہی رہے ، پھر رسول اللہ ﷺ نے ( تیسری بار ) بھی اسی ( پہلے فرمان ہی ) کی طرح ارشاد فرمایا : تو وہی آدمی کہنے لگا : اے اللہ کے رسول ! کیا آپ ہمیں ( ان دونوں چیزوں کی ) خبر نہ دیں گے ؟ پھر رسول اللہ ﷺ نے بھی اسی ( پہلے فرمان ہی ) کی طرح ( چوتھی بار ) ارشاد فرمایا ۔ پھر وہی آدمی شروع ہوا اور اپنے پہلے قول کی طرح کہنے لگا ، تو اس کے پہلو میں ( بیٹھے ہوئے ) ایک شخص نے اسے چپ کرا دیا تو رسول اللہ ﷺ نے فرمایا :’’ جس شخص کو اللہ تعالیٰ دو چیزوں کے شر سے بچا لے وہ جنت میں داخل ہو جائے گا ۔ ایک وہ چیز جو اس کے دو جبڑوں کے درمیان میں ہے اور دوسری وہ چیز جو اس کی دو ٹانگوں کے درمیان میں ہے ۔ ایک وہ جو اس کے دو جبڑوں کے بیچ میں ہے اور دوسری وہ جو اس کی دو ٹانگوں کے بیچ میں ہے ، ایک وہ جو اس کے دو جبڑوں کے مابین ہے اور دوسری وہ جو اس کی دو ٹانگوں کے مابین ہے ۔‘‘