اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بلاشبہ مشرق کی جانب ( عراق ) سے دو شخص ( مدینہ منورہ ) آئے ، دونوں نے خطاب کیا ( اور گفتگو کی ) تو لوگوں نے ان کے بیان پر تعجب کیا تو رسول اللہ ﷺ نے فرمایا :’’ یقیناً بیان میں سے کچھ جادو ہوتا ہے ۔‘‘ یا فرمایا :’’ بے شک بعض ( قسم کا ) بیان یقیناً جادو ہے ۔‘‘

اردو ترجمہ · Urdu

امام مالک رحمہ اللہ کو یہ خبر پہنچی کہ بے شک حضرت عیسی ابن مریم علیہم السلام فرمایا کرتے تھے : ذکر الٰہی کے بغیر زیادہ گفتگو نہ کیا کرو ورنہ تمھارے دل سخت ہو جائیں گے ۔ کیونکہ سخت دل اللہ سے دور ہوتا ہے لیکن تمھیں اس کا علم نہیں ہو پاتا ۔ تم لوگوں کے گناہوں میں ( لوگوں کی خامیوں کی طرف ) یوں نہ دیکھا کرو کہ گویا تم رب ہو اور اپنے گناہوں میں یوں دیکھا کرو کہ گویا تم غلام ہو ۔ یقیناً انسان ( یا تو آزمائشوں میں ) مبتلا ہیں اور ( یا پھر ) عافیت عطا کیے گئے ہیں ، لہذا تم آزمائشوں والوں پر رحم کیا کرو اور عافیت پر اللہ کی حمد بیان کیا کرو ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بے شک سیدہ عائشہ رضی اللہ عنہا زوجہ پیغمبر ﷺ عشاء کے بعد اپنے گھر والوں میں سے بعض کی طرف پیغام بھیجتیں ، چنانچہ وہ ( ان سے ) کہتیں کہ تم لکھنے والے فرشتوں کو آرام نہیں کرنے دو گے ‘‘؟