اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بلاشبہ رسول اللہ ﷺ نے فرمایا :’’ جس شخص نے اپنے بھائی کو کافر کہا تو ان دونوں میں سے ایک اس کلمے کے ساتھ ( کافر ہو کر ) لوٹے گا ۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ یقیناً رسول اللہ ﷺ نے فرمایا :’’ جب تم کسی شخص کو یہ کہتے ہوئے سنو کہ لوگ تباہ ہو گئے تو ( درحقیقت ) وہی ان میں سب سے بڑھ کر ہلاک اور تباہ ہونے والا ہے ۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بے شک رسول اللہ ﷺ نے فرمایا :’’ تم میں سے کوئی بھی ہرگز یہ نہ کہے کہ ’’ ہائے دَہْر ( زمانے ) کی ناکامی ‘‘ کیونکہ بلاشبہ اللہ ہی دہر ( زمانہ ) ہے ۔‘‘

اردو ترجمہ · Urdu

یحیی بن سعید رحمہ اللہ سے روایت ہے کہ بیشک حضرت عیسیٰ ابن مریم علیہ السلام کی ملاقات ایک خنزیر سے ہوئی ( اچانک ان کے راستے میں ایک سؤر آ گیا ) تو انھوں نے اس سے فرمایا : آرام سے ( سلامتی سے ) چلا جا تو ان سے کہا گیا ( پوچھا گیا ) کہ آپ یہ ( سلامتی والی ) بات ایک خنزیر سے کہہ رہے ہیں ( آپ نے اسے ڈانٹا اور دھتکارا کیوں نہیں ؟ ) تو حضرت عیسیٰ ابن مریم علیہم السلام نے فرمایا : بلاشبہ میں اس بات سے ڈرتا ہوں کہ اپنی زبان کو بری گفتگو کا عادی بناؤں ۔