اردو ترجمہ · Urdu

عمرو بن شعیب رحمہ اللہ اپنے والد ( شعیب بن محمد رحمہ اللہ ) سے اور وہ اپنے دادا ( حضرت عبداللہ بن عمرو بن عاص رضی اللہ عنہما ) سے روایت کرتے ہیں کہ بلاشبہ رسول اللہ ﷺ نے فرمایا :’’ اکیلا سوار ایک شیطان ہے اور دو سوار دو شیطان ہیں اور تین ( افراد ) قافلہ ہیں ۔‘‘

اردو ترجمہ · Urdu

سعید بن مسیب رحمہ اللہ سے روایت ہے ، وہ کہا کرتے تھے کہ رسول اللہ ﷺ نے فرمایا :’’ شیطان ایک آدمی اور دو آدمیوں کے ساتھ ( مختلف طریقوں سے حملہ آور ہونے کا ) قصد کرتا ہے ، ہاں جب وہ تین ہوں تو پھر وہ ان کا قصد نہیں کرتا ۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بلاشبہ رسول اللہ ﷺ نے فرمایا :’’ کوئی ایسی عورت جو اللہ اور آخرت کے دن پر ایمان رکھتی ہے ، اس کے لیے حلال نہیں کہ وہ ( اکیلی ) ایک دن اور ایک رات کا سفر کرے مگر اپنے محرم کے ساتھ ( اتنا لمبا سفر کر سکتی ہے ) ۔‘‘