اردو ترجمہ · Urdu

حضرت انس بن مالک رضی اللہ عنہ سے روایت ہے ، کہتے ہیں کہ رسول اللہ ﷺ نے پچھنے لگوائے ۔ حضرت ابوطیبہ رضی اللہ عنہ نے آپ ﷺ کو پچھنے لگائے ۔ آپ ﷺ نے اس کے لیے ایک صاع کھجور دینے کا حکم فرمایا اور اس کے مالکوں کو حکم دیا کہ اس کی روزانہ آمدنی کے معاملہ میں اس سے تخفیف کریں ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بلاشبہ رسول اللہ ﷺ نے فرمایا :’’ اگر کوئی دوائی ایسی ہے جو بیماری تک پہنچ سکتی ہے تو یقیناً پچھنے لگانا بھی اسے پہنچ جاتا ہے ۔‘‘

اردو ترجمہ · Urdu

ابن محیصہ انصاری رضی اللہ عنہ جو کہ ( خزرج قبیلے کی شاخ ) بنوحارثہ میں سے ایک فرد تھے ، سے روایت ہے کہ بلاشبہ انھوں نے رسول اللہ ﷺ سے پچھنے لگانے کی اجرت ( وصول کرنے اور استعمال کرنے ) کے متعلق اجازت مانگی تو آپ ﷺ نے انھیں اس سے منع فرما دیا ۔ پھر وہ مسلسل آپ ﷺ سے پوچھتے رہے اور اجازت مانگتے رہے ، یہاں تک کہ آپ ﷺ نے فرمایا :’’ اسے اپنی اونٹنی کو چارے میں کھلا دے یا اسے یعنی اپنے غلام کو کھانا کھلا دے ۔‘‘