اردو ترجمہ · Urdu

سہل بن سعد ساعدی رضی اللہ عنہ سے روایت ہے کہ بیشک رسول اللہ ﷺ نے فرمایا :’’ اگر وہ ہوتی تو گھوڑے ، عورت اور گھر میں ہوتی ۔‘‘ آپ ﷺ نحوست کو مراد لے رہے تھے ۔

اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بلاشبہ رسول اللہ ﷺ نے فرمایا :’’ نحوست تو گھر ، عورت اور گھوڑے میں ہوتی ہے ۔‘‘

اردو ترجمہ · Urdu

یحیی بن سعید رحمہ اللہ سے روایت ہے ، کہتے ہیں کہ ایک عورت رسول اللہ ﷺ کے پاس آئی اور کہنے لگی کہ اے اللہ کے رسول ﷺ ! وہ گھر جس میں ہم نے رہائش اختیار کی تھی تو اس وقت ( ہمارے گھرانے کے افراد کی ) تعداد زیادہ تھی اور مال بھی وافر تھا ، پھر تعداد بھی کم ہو گئی اور مال بھی ختم ہو گیا تو رسول اللہ ﷺ نے فرمایا :’’ اسے چھوڑ دو اس حال میں کہ وہ ( تمھارے دلوں میں ) مذمت کیا ہوا ( مکروہ اور منحوس ) ہے ۔‘‘