اردو ترجمہ · Urdu

عبداللہ بن أبی بکر رضی اللہ عنہ اپنے والد ( ابوبکر بن محمد بن عمرو بن حزم رضی اللہ عنہ ) سے روایت کرتے ہیں کہ بے شک رسول اللہ ﷺ نے فرمایا :’’ اگر وہ ( مسلمان بھائی ) چھینک لے ( اور ( اَلْحَمْدُ لِلّٰہِ ) کہے تو ( یَرْحَمُکَ اللّٰہُ ) ’’ اللہ تجھ پر رحم فرمائے ‘‘ کے الفاظ کے ساتھ ) اسے دعا دو ، پھر اگر وہ چھینکے تو اسے دعا دو ، پھر اگر وہ چھینک مارے تو اسے دعا دو ، پھر اگر وہ ( چوتھی بار ) چھینک لے تو اسے کہو : بلاشبہ تمھیں تو زکام ہے ۔ عبداللہ بن ابی بکر رضی اللہ عنہ کہتے ہیں : مجھے یاد نہیں رہا کہ تین یا چار ( چھینکوں میں سے کس ) کے بعد ( یہ الفاظ کہنے کا حکم ہوا تھا ) ۔

اردو ترجمہ · Urdu

نافع رحمہ اللہ سے روایت ہے کہ بے شک حضرت عبداللہ بن عمر رضی اللہ عنہما جب چھینک لیتے اور انھیں ( یَرْحَمُکَ اللّٰہُ ) کہا جاتا تو وہ فرماتے : ( یَرْحَمُنَا اللّٰہُ وَ اِیَّاکُمْ وَ یَغْفِرُ لَنَا وَلَکُمْ ) ’’ اللہ ہم پر اور تم پر بھی رحمت فرمائے اور ہماری اور تمھاری مغفرت فرمائے ۔‘‘