Muwatta Imam Malik #1753
[1753] عَنْ أبِی وَاقِدٍ اللَّیْثِیِّ : أَنَّ رَسُولَ اللّٰہِ ﷺ بَیْنَمَا ہُوَ جَالِسٌ فِی الْمَسْجِدِ، وَالنَّاسُ مَعَہُ، إِذْ أَقْبَلَ نَفَرٌ ثَـلَاثَۃٌ، فَأَقْبَلَ اثْنَانِ إِلَی رَسُولِ اللّٰہِ ﷺ ، وَذَہَبَ وَاحِدٌ، فَلَمَّا وَقَفَا عَلَی رَسُولِ اللّٰہِ ﷺ سَلَّمَا، فَأَمَّا أَحَدُہُمَا فَرَأَی فُرْجَۃً فِی الْحَلْقَۃِ فَجَلَسَ فِیہَا، وَأَمَّا الآخَرُ فَجَلَسَ خَلْفَہُمْ، وَأَمَّا الثَّالِثُ فَأَدْبَرَ ذَاہِباً، فَلَمَّا فَرَغَ رَسُولُ اللّٰہِ ﷺ قَالَ :أَلَا أُخْبِرُکُمْ عَنِ النَّفَرِ الثَّـلَاثَۃِ : أَمَّا أَحَدُہُمْ فَأَوَی إِلَی اللّٰہِ فَآوَاہُ اللَّہُ، وَأَمَّا الآخَرُ فَاسْتَحْیَا فَاسْتَحْیَا اللّٰہُ مِنْہُ، وَأَمَّا الآخَرُ فَأَعْرَضَ فَأَعْرَضَ اللّٰہُ عَنْہُ۔
اردو ترجمہ · Urdu
حضرت ابو واقد لیثی رضی اللہ عنہ سے روایت ہے اسی اثناء میں کہ رسول اللہ ﷺ مسجد میں تشریف فرما ( تھے اور بیان فرما رہے ) تھے اور لوگ بھی آپ ﷺ کے ہمراہ ( حلقہ بنا کر بیٹھے ہوئے ) تھے کہ اچانک تین آدمیوں کا ایک گروہ آیا ، پس ( ان میں سے ) دو آدمی تو رسول اللہ ﷺ کی طرف متوجہ ہوئے اور ایک چلا گیا ۔ چنانچہ جب وہ دونوں رسول اللہ ﷺ ( کی محفل ) کے پاس آ کر ٹھہرے تو دونوں نے سلام کہا ۔ پھر ان میں سے ایک نے تو حلقے میں خالی جگہ دیکھی ، سو وہ ( وہاں آ کر ) اس میں بیٹھ گیا ۔ رہا دوسرا شخص تو وہ لوگوں کے پیچھے ہی بیٹھ گیا ۔ رہا تیسرا شخص تو وہ پیٹھ پھیر کر چلا گیا ۔ چنانچہ جب رسول اللہ ﷺ ( اپنے خطبہ اور وعظ و نصیحت ) سے فارغ ہوئے تو فرمایا :’’ کیا میں تمھیں ان تین آدمیوں کے گروہ کے متعلق خبر نہ دوں ، رہا ان میں سے ایک تو اس نے اللہ ( کی ہدایت ) کی طرف ( آگے آ کر ) جگہ پکڑی سو اللہ تعالیٰ نے اسے ( اپنی رحمت میں ) جگہ عطا فرما دی ، رہا دوسرا تو وہ ( محفل چھوڑ کر جانے سے ، پھر مجلس میں گھسنے سے اور کسی کی اذیت رسانی کے احساس سے ) شرما گیا ( اور پیچھے ہی بیٹھ گیا ) تو اللہ تعالیٰ نے بھی اس سے حیا فرمائی ( اور اسے رحمت و مغفرت سے نواز دیا ) اور رہا تیسرا شخص تو اس نے ( اللہ کے نازل کردہ علم والی محفل سے ) اعراض کیا تو اللہ تعالیٰ نے بھی اس سے اعراض کیا ( اور اس پر پہلے دونوں شخصوں جیسی رحمت و مغفرت نہ فرمائی ) ۔‘‘