Muwatta Imam Malik · Book 46 · Chapter 561
متفرق مسائل کی کتاب
سلام کے متعلق طریقۂ کار کا بیان
2 hadiths in this chapter
Muwatta Imam Malik #1750
[1750] عَنْ زَیْدِ بْنِ أَسْلَمَ، أَنَّ رَسُولَ اللّٰہِ ﷺ قَالَ : یُسَلِّمُ الرَّاکِبُ عَلَی الْمَاشِی، وَإِذَا سَلَّمَ مِنَ الْقَوْمِ وَاحِدٌ أَجْزَأَ عَنْہُمْ۔
اردو ترجمہ · Urdu
زید بن اسلم رحمہ اللہ سے روایت ہے کہ بلاشبہ رسول اللہ ﷺ نے فرمایا :’’ سوار شخص پیدل چلنے والے پر سلام کہے ، اور جب قوم ( یعنی چند افراد کی جماعت ) میں سے ایک شخص سلام کہہ دے تو وہ سب کی طرف سے کفایت کرے گا ۔‘‘
Muwatta Imam Malik #1751
[1751] عَنْ مُحَمَّدِ بْنِ عَمْرِو بْنِ عَطَائٍ، أَ نَّہُ قَالَ : کُنْتُ جَالِساً عِنْدَ عَبْدِ اللّٰہِ بْنِ عَبَّاسٍ، فَدَخَلَ عَلَیْہِ رَجُلٌ مِنْ أَہْلِ الْیَمَنِ فَقَالَ : السَّلَامُ عَلَیْکُمْ وَرَحْمَۃُ اللّٰہِ وَبَرَکَاتُہُ، ثُمَّ زَادَ شَیْئاً مَعَ ذَلِکَ أَیْضاً۔ قَالَ ابْنُ عَبَّاسٍ وَہُوَ یَوْمَئِذٍ قَدْ ذَہَبَ بَصَرُہُ : مَنْ ہَذَا ؟ قَالُوا : ہَذَا الْیَمَانِیُّ الَّذِی یَغْشَاکَ۔ فَعَرَّفُوہُ إِیَّاہُ۔ قَالَ : فَقَالَ ابْنُ عَبَّاسٍ : إِنَّ السَّلَامَ انْتَہَی إِلَی الْبَرَکَۃِ۔
اردو ترجمہ · Urdu
محمد بن عمرو بن عطاء رحمہ اللہ سے روایت ہے ، کہتے ہیں کہ میں حضرت عبداللہ بن عباس رضی اللہ عنہما کے پاس بیٹھا ہوا تھا ، ان کے پاس اہلِ یمن میں سے ایک آدمی آیا اور اس نے کہا : ( اَلسَّلَامُ عَلَیْکُمْ وَرَحْمَۃُ اللّٰہِ وَ بَرَکَاتُہٗ ) پھر اس نے ان ( کلمات ) کے ساتھ کچھ اور بھی اضافہ کیا ۔ حضرت ابن عباس رضی اللہ عنہما فرمانے لگے : ان دنوں ان کی نظر ( بینائی ) ختم ہو چکی تھی ، ( پوچھنے لگے کہ ) یہ کون ہے ؟ لوگوں نے کہا : یہ وہی یمنی شخص ہے جو آپ کے پاس آتا رہتا ہے ۔ لوگوں نے ان کو اس شخص کا تعارف کروایا ۔ ( محمد بن عمرو بن عطاء رحمہ اللہ ) کہتے ہیں کہ حضرت ابن عباس رضی اللہ عنہما نے فرمایا : بلاشبہ ( شرعی اور مسنون ) سلام کے کلمات ’’ بَرَکَاتُہٗ ‘‘ پر ختم ہو گئے ہیں ۔
