اردو ترجمہ · Urdu

حضرت ابوموسیٰ اشعری رضی اللہ عنہ سے روایت ہے کہ رسول اللہ ﷺ نے فرمایا :’’ جس شخص نے نرد کھیلا تو اس نے اللہ اور اس کے رسول کی نافرمانی کا ارتکاب کیا ۔‘‘

اردو ترجمہ · Urdu

سیدہ عائشہ رضی اللہ عنہا زوجہ پیغمبر ﷺ سے روایت ہے ، انھیں یہ خبر پہنچی کہ ان کے محلے میں ایک گھر والے رہائش پذیر ہیں اور ان کے پاس نرد بھی ہے تو سیدہ عائشہ رضی اللہ عنہا نے ان کی طرف ( یہ پیغام ) بھیجا کہ اگر تم نے اس ( نرد ) کو ( اپنے گھر ) سے نہ نکالا تو میں ضرور تمھیں اپنے محلے سے نکال دوں گی اور انھوں نے ان پر اس ( کھیل ) کا انکار کیا ( اور اسے بہت برا جانا )

اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بلاشبہ جب وہ اپنے گھر والوں میں سے کسی کو دیکھتے کہ وہ نرد کھیل رہا ہے تو اس ( کھیلنے والے ) کو مارتے اور اس ( نرد ) کو توڑ دیتے ۔