Muwatta Imam Malik · Book 46 · Chapter 559
متفرق مسائل کی کتاب
خواب کا بیان
6 hadiths in this chapter
Muwatta Imam Malik #1741
[1741] عَنْ أَنَسِ بْنِ مَالِکٍ، أَنَّ رَسُولَ اللّٰہِ ﷺ قَالَ : الرُّؤْیَا الْحَسَنَۃُ مِنَ الرَّجُلِ الصَّالِحِ، جُزْئٌ مِنْ سِتَّۃٍ وَأَرْبَعِینَ جُزْء اً مِنَ النُّبُوَّۃِ۔
اردو ترجمہ · Urdu
حضرت انس بن مالک رضی اللہ عنہ سے روایت ہے کہ بلاشبہ رسول اللہ ﷺ نے فرمایا :’’ نیک آدمی کا اچھا خواب نبوت کے چھیالیس حصوں میں سے ایک حصہ ہے ۔‘‘
Muwatta Imam Malik #1742
[1742] عَنْ أبِی ہُرَیْرَۃَ، عَنْ رَسُولِ اللّٰہِ ﷺ بِمِثْلِ ذَلِکَ۔
اردو ترجمہ · Urdu
حضرت ابوہریرہ رضی اللہ عنہ نے بھی رسول اللہ ﷺ سے اس طرح روایت بیان کی ہے ۔
Muwatta Imam Malik #1743
[1743] عَنْ أبِی ہُرَیْرَۃَ، أَنَّ رَسُولَ اللّٰہِ ﷺ کَانَ إِذَا انْصَرَفَ مِنْ صَلَاۃِ الْغَدَاۃِ یَقُولُ : ہَلْ رَأَی أَحَدٌ مِنْکُمُ اللَّیْلَۃَ رُؤْیَا ؟وَیَقُولُ : لَیْسَ یَبْقَی بَعْدِی مِنَ النُّبُوَّۃِ، إِلاَّ الرُّؤْیَا الصَّالِحَۃُ۔
اردو ترجمہ · Urdu
حضرت ابوہریرہ رضی اللہ عنہ سے روایت ہے کہ بلاشبہ رسول اللہ ﷺ جب فجر کی نماز سے فارغ ہوتے تو فرماتے :’’ کیا تم میں سے کسی نے آج رات کوئی خواب دیکھا ہے ؟‘‘ اور آپ ﷺ فرمایا کرتے تھے :’’ میرے بعد نبوت میں سے کچھ بھی باقی نہیں رہے گا سوائے سچے خواب کے ۔‘‘
Muwatta Imam Malik #1744
[1744] عَنْ عَطَائِ بْنِ یَسَارٍ، أَنَّ رَسُولَ اللّٰہِ ﷺ قَالَ :لَنْ یَبْقَی بَعْدِی مِنَ النُّبُوَّۃِ إِلاَّ الْمُبَشِّرَاتُ۔ فَقَالُوا : وَمَا الْمُبَشِّرَاتُ یَا رَسُولَ اللّٰہِ ؟ قَالَ :الرُّؤْیَا الصَّالِحَۃُ یَرَاہَا الرَّجُلُ الصَّالِحُ، أَوْ تُرَی لَہُ، جُزْئٌ مِنْ سِتَّۃٍ وَأَرْبَعِینَ جُزْء اً مِنَ النُّبُوَّۃِ۔
اردو ترجمہ · Urdu
عطاء بن یسار رحمہ اللہ سے روایت ہے کہ بلاشبہ رسول اللہ ﷺ نے فرمایا :’’ میرے اور نبوت میں سے مبشرات کے سوا کچھ بھی ہرگز باقی نہ رہے گا ۔‘‘ تو لوگوں نے عرض کیا : اے اللہ کے رسول ﷺ ! مبشرات سے کیا مراد ہے ؟ آپ ﷺ نے فرمایا :’’ وہ نیک خواب جسے نیک آدمی ( خود اپنے لیے ) دیکھتا ہے یا اس کے لیے ( کسی اور کو ) دکھایا جاتا ہے ، وہ نبوت کے چھیالیس اجزاء میں سے ایک جزء ہے ۔‘‘
Muwatta Imam Malik #1745
[1745] عَنْ أبِی قَتَادَۃَ بْنَ رِبْعِیٍّ یَقُولُ : سَمِعْتُ رَسُولَ اللّٰہِ ﷺ یَقُولُ : الرُّؤْیَا الصَّالِحَۃُ مِنَ اللّٰہِ، وَالْحُلْمُ مِنَ الشَّیْطَانِ، فَإِذَا رَأَی أَحَدُکُمُ الشَّیْئَ یَکْرَہُہُ، فَلْیَنْفُثْ عَنْ یَسَارِہِ ثَلَاثَ مَرَّاتٍ إِذَا اسْتَیْقَظَ، وَلْیَتَعَوَّذْ بِاللّٰہِ مِنْ شَرِّہَا، فَإِنَّہَا لَنْ تَضُرَّہُ إِنْ شَائَ اللّٰہُ قَالَ أَبُو سَلَمَۃَ : إِنْ کُنْتُ لأَرَی الرُّؤْیَا ہِیَ أَثْقَلُ عَلَیَّ مِنَ الْجَبَلِ، فَلَمَّا سَمِعْتُ ہَذَا الْحَدِیثَ، فَمَا کُنْتُ أُبَالِیہَا۔
اردو ترجمہ · Urdu
حضرت ابو قتادہ بن ربعی رضی اللہ عنہ سے روایت ہے ، کہتے ہیں کہ میں نے رسول اللہ ﷺ کو یہ فرماتے ہوئے سنا تھا :’’ اچھا خواب اللہ کی طرف سے ہوتا ہے اور پراگندہ خیال ( برا خواب ) شیطان کی طرف سے ہوتا ہے ۔ چنانچہ جب تم میں سے کوئی شخص ایسی چیز ( خواب میں دیکھے ) جو اسے ناپسند ہو تو اسے چاہیے کہ اپنے ( جسم کی ) بائیں جانب ( دل کے مقام پر ) تین بار تھوک دے اور اس خواب کے شر سے اللہ کی پناہ پکڑ لے ، تو بلاشبہ وہ خواب ان شاء اللہ اس کو کوئی ضرر نہیں پہنچا سکے گا ۔‘‘ ( حدیث کے راوی ) ابوسلمہ رحمہ اللہ کہتے ہیں کہ بے شک میں ( بعض اوقات ) ایسا خواب دیکھتا تھا جو مجھ پر پہاڑ سے بھی زیادہ بھاری ( گراں اور پریشان کن ) ہوتا تھا ، پھر جب میں نے یہ حدیث مبارکہ سنی تو میں اس ( طرح کے خوابوں ) کی پروا بھی نہیں کرتا ۔
Muwatta Imam Malik #1746
[1746] عَنْ ہِشَامِ بْنِ عُرْوَۃَ، عَنْ أَبِیہِ، أَ نَّہُ کَانَ یَقُولُ فِی ہَذِہِ الآیَۃِ : {لَہُمُ الْبُشْرَی فِی الْحَیَاۃِ الدُّنْیَا وَفِی الآخِرَۃِ} [یونس : 64]۔ قَالَ : ہِیَ الرُّؤْیَا الصَّالِحَۃُ یَرَاہَا الرَّجُلُ الصَّالِحُ، أَوْ تُرَی لَہُ۔
اردو ترجمہ · Urdu
ہشام بن عروہ رحمہ اللہ اپنے والد ( عروہ بن زبیر رضی اللہ عنہ ) سے روایت کرتے ہیں کہ بلاشبہ وہ اس آیت مبارکہ : { لَھُمُ الْبُشْرٰی فِی الْحَیَاۃِ الدُّنْیَا وَ فِی الْاَخِرَۃِ } ( یونس 10 : 64 ) ’’ ان ( اولیاء اللہ ) کے لیے دنیوی زندگی میں بھی اور آخرت میں بھی خوشخبری ہے ۔‘‘ ( کی تفسیر ) میں کہا کرتے تھے : اس سے مراد اچھا خواب ہے جسے آدمی دیکھتا ہے یا وہ اس کے لیے ( کسی اور کو ) دکھایا جاتا ہے ۔
