اردو ترجمہ · Urdu

ابوسلمہ بن عبدالرحمن رحمہ اللہ سے روایت ہے کہ بے شک عبدالرحمن بن اسود بن عبدِ یغوث رحمہ اللہ جو کہ ان کے ہم نشین تھے ( ان کے پاس بیٹھا کرتے تھے ) اور ان کے سر اور داڑھی کے بال سفید تھے ۔ وہ ایک دن صبح کے وقت ان کے پاس اس حال میں آئے کہ انھوں نے سر اور داڑھی کے بال ( مہندی یا کسی اور چیز کے ساتھ ) سرخ کر رکھے تھے ، لوگوں نے ان سے کہا کہ یہ زیادہ خوبصورت ( حالت ) ہے تو وہ فرمانے لگے : بلاشبہ میری امی ( ام المومنین ) سیدہ عائشہ رضی اللہ عنہا زوجہ پیغمبر ﷺ نے گزشتہ رات میری طرف اپنی لونڈی نُخَیلہ کو بھیجا تھا اور مجھے قسم دی تھی کہ میں ضرور ( بالوں کو ) رنگ لوں اور انھوں نے مجھے یہ خبر بھی دی کہ بلاشبہ حضرت ابوبکر صدیق رضی اللہ عنہ بھی بالوں کو رنگا کرتے تھے ۔