اردو ترجمہ · Urdu

یحیی بن سعید رحمہ اللہ سے روایت ہے کہ بے شک حضرت ابوقتادہ رضی اللہ عنہ نے رسول اللہ ﷺ سے عرض کیا : بلاشبہ میرے بال کندھوں تک ہیں تو کیا میں ان میں کنگھی کر لیا کروں ؟ تو رسول اللہ ﷺ نے فرمایا :’’ ہاں اور ان کا اکرام ( عزت ) بھی کیا کرو ۔‘‘ چنانچہ حضرت ابوقتادہ رضی اللہ عنہ بسا اوقات ایک دن میں دو بار انھیں تیل لگاتے ، اس وجہ سے کہ رسول اللہ ﷺ نے انھیں فرمایا تھا کہ ’’ اور ان کا اکرام بھی کیا کرو ۔‘‘

اردو ترجمہ · Urdu

عطاء بن یسار رحمہ اللہ سے روایت ہے کہ رسول اللہ ﷺ مسجد میں ( تشریف فرما ) تھے کہ ( اتنے میں ) ایک آدمی داخل ہوا ، جس کے سر اور داڑھی کے بال بکھرے ہوئے تھے تو رسول اللہ ﷺ نے اس کی طرف اپنے ہاتھ مبارک سے اشارہ کیا کہ باہر چلے جاؤ ۔ گویا آپ ﷺ اس کے سر اور داڑھی کے بالوں کی اصلاح اور درستی مراد لے رہے تھے ، چنانچہ اس نے ایسا ہی کیا ، پھر واپس لوٹ آیا تو رسول اللہ ﷺ نے فرمایا :’’ کیا یہ اس سے بہتر نہیں کہ تم میں سے کوئی پراگندہ سر کے ساتھ یوں آئے کہ گویا وہ شیطان ہے ۔‘‘