اردو ترجمہ · Urdu

عباد بن تمیم رحمہ اللہ سے روایت ہے کہ حضرت ابو بشیر انصاری رضی اللہ عنہ نے انھیں خبر دی کہ وہ رسول اللہ ﷺ کے سفروں میں سے کسی سفر میں آپ ﷺ کے ہمراہ تھے ۔ حضرت ابوبشیر رضی اللہ عنہ کہتے ہیں : رسول اللہ ﷺ نے ایک قاصد کو بھیجا ۔ ( امام مالک رحمہ اللہ کے شیخ ) عبداللہ بن ابی بکر رحمہ اللہ کہتے ہیں : میرا خیال ہے کہ انھوں نے ( عباد بن تمیم رحمہ اللہ نے بیان کرتے ہوئے ) یہ بھی کہا تھا کہ اس وقت لوگ اپنی نیند کی جگہ میں تھے ( سونے یا قیلولہ کرنے کی تیاری کر رہے تھے کہ آپ ﷺ کا یہ پیغام پہنچ گیا ) :’’ کسی اونٹ کی گردن میں تانت ( تندی سے بنا ہوا ) پٹایا ( تندی کا نام لینے کی بجائے فرمایا ) پٹا باقی نہ چھوڑا جائے مگر اسے ضرور کاٹ دیا جائے ۔‘‘