اردو ترجمہ · Urdu

یحیی بن سعید رحمہ اللہ سے روایت ہے کہ بے شک حضرت عمر بن خطاب رضی اللہ عنہ نے فرمایا : اپنے آپ کو گوشت سے بچاؤ ( یعنی کثرت سے گوشت نہ کھایا کرو ) کیونکہ بلاشبہ اس میں بھی شراب کی عادت جیسی عادت ہے ۔

اردو ترجمہ · Urdu

یحیی بن سعید رحمہ اللہ سے روایت ہے کہ بے شک حضرت عمر بن خطاب رضی اللہ عنہ نے حضرت جابر بن عبداللہ رضی اللہ عنہما کو پایا اس حال میں کہ ان کے ( حضرت جابر رضی اللہ عنہ کے ) ہمراہ گوشت کا ( ایک گٹھڑی کی شکل میں ) بوجھ تھا تو انھوں نے فرمایا : یہ کیا ہے ؟ وہ کہنے لگے : اے امیرالمومنین ! ہمیں گوشت کی سخت خواہش ہوئی تو میں نے ایک درہم کے عوض گوشت خرید لیا ۔ حضرت عمر رضی اللہ عنہ فرمانے لگے : کیا تم میں سے کوئی یہ نہیں چاہتا کہ اپنے پڑوسی یا اپنے چچا کے بیٹے ( کو ترجیح دے اور انھیں کھلانے کی وجہ ) سے اپنے پیٹ کو بھوکا رکھے ۔ یہ آیت تم سے ( تمھارے ذہن سے ) کدھر چلی گئی ہے ( جس میں ہے کہ قیامت کے دن کفار سے کہا جائے گا : ) {اَذْہَبْتُمْ طَیِّبٰتِکُمْ فِیْ حَیَاتِکُمُ الدُّنْیَا وَاسْتَمْتَعْتُمْ بِہَا} ( الاحقاف46 : 20 ) ’’ تم نے اپنی دنیوی زندگی ہی میں اپنی لذتوں کو لے لیا تھا اور تم نے ان سے فائدہ اٹھا لیا تھا ۔‘‘